كامەلەتكە تولماعان ءجاسوسپىرىم استانا تۇرعىندارىنان 11 ملن تەڭگە الىپ كەتكەن

فوتو: اشىق دەرەككوز

ءجاسوسپىرىم استانا تۇرعىندارىن ترەيدينگ كومپانياسىنا اقشا سالىپ, ينۆەستيتسيا جاساۋعا كوندىرگەن, دەپ حابارلايدى  qandastar.kz  turkystan.kz-كە سىلتەمە جاساپ.

«جابىرلەنۋشىلەردى سالىنعان اقشانىڭ 22% مولشەرىندە سىياقى جانە الىپ كەلگەن ءار كليەنت ءۇشىن 10% مولشەرىندە سىياقى بەرىلەدى دەپ الداعان», – دەدى استانا پروكۋراتۋراسى.

وسىلايشا كامەلەتتىك جاسقا تولماعان ءجاسوسپىرىم 20 ازاماتتان 11 ملن تەڭگە العان. قاراجاتتىڭ ءبارىن ءوز قاجەتىنە جۇمساعان.

ول سوتتالىپ, جابىرلەنۋشىلەردىڭ شىعىن قايتارىلدى.

ۇكىم زاڭدى كۇشىنە ەندى.