Qanat Sharlapaev: Depýtattar teksermeı, sóıleı beredi

Foto: primeminister.kz

Mınıstr Qanat Sharlapaev «Qurylys kodeksine» bólingen qarajat urlandy degen depýtattyń aıyptaýyna jaýap berdi, – dep habarlaıdy qandastar.kz atamekenbusiness_qaz silteme jasap.

«Árıne, depýtattardyń óz pikirin aıtýǵa quqyǵy bar. Olar teksermeı aıta beredi.

Biraq joǵary aýdıtorlyq palata aýdıt júrgizdi. 2024 jyldyń 26 shildesinde shyqqan aýdıt nátıjesi depýtat aıtqan buzýshylyqtardy anyqtamady.

Meniń qolymda eki esep bar. Birinde eshqandaı buzýshylyqtar anyqtalmady. Resmı tergeý áli aıaqtalmady, sebebi memlekettik organ bul sheshimge shaǵym bere alady.

Sondyqtan Baqytjan Bazarbektiń áli aıaqtalmaǵan tergeý boıynsha nátıjeni jarııalaǵany týraly eshteńe aıta almaımyn», – dedi mınıstr.