قانات شارلاپاەۆ : ۋتيلالىمدى تالقىلاي بەرۋگە نەگىز جوق

ونەركاسىپ جانە قۇرىلىس ءمينيسترى قانات شارلاپاەۆ ۋتيلالىمعا قاتىستى جيىننان شوۋ جاساۋدىڭ قاجەتى جوق ەكەنىن, بۇل تاقىرىپتى جابۋ قاجەتىن ايتتى, – دەپ حابارلايدى qandastar.kz

«مەندە بۇل ماسەلە بويىنشا ارتىق پىكىر جوق. “جالعان” ساراپشىلاردىڭ تەكسەرىلمەگەن اقپاراتىن تالداۋ ورىنسىز. پەتيتسيا تالاپتارىنا جاۋاپتىڭ تولىق ماتىنىمەن مينيسترلىكتىڭ سايتىندا تانىسۋعا مۇمكىندىك بار. وندا تولىق دالەل كەلتىرىلگەن. جۇمىس توبى مەنىڭ بۇيرىعىممەن بەكىتىلدى. وسى جۇمىس توبى اياسىندا مينيسترلىك وكىلدەرى, تالقىلاۋعا قاتىستى», – دەپ
قانات شارلاپاەۆ ۇكىمەتتە ايتتى.

ەستەرىڭىزگە سالا كەتەيىك, بۇعان دەيىن قر ونەركاسىپ جانە قۇرىلىس ءمينيسترى قانات شارلاپاەۆ ۋتيلالىمى مەن العاشقى تىركەۋگە قارسى پەتيتسياعا تالاپتارىن قاناعاتتاندىرمايتىنىن مالىمدەگەن ەدى.

ۋتيليزاتسيا الىمى – مەملەكەتكە تولەنەتىن ءبىر رەتتىك تولەم, ول كەلەشەكتە كولىكتى ۋتيليزاتسياعا جىبەرگەن كەزدە جۇمسالۋعا ءتيىس قارجى. قازاقستاندا كولىكتى ەلگە الىپ كەلگەندە تولەنەتىن ۋتيلالىم 2016 جىلى 1 قاڭتاردا ەنگىزىلدى. كەيىن قوعام تاراپىنان سىنعا ۇشىراپ, 2022 جىلى قايتا قارالدى. سول جىلعى مامىردا ۋتيلالىمنىڭ جاڭا مولشەرلەمەلەرى جاريالاندى. تولەم 50%-عا ازايدى. قازىرگى تاڭدا بۇل ىسپەن «جاسىل دامۋ» اق اينالىسادى.