قانداي مەمورگان مەكەنجاي انىقتاماسىن تالاپ ەتە الادى

ەندى ەشبىر مەملەكەتتىك ورگان نەمەسە جەكە جۇمىس بەرۋشى ازاماتتاردان مەكەنجاي انىقتاماسىن تالاپ ەتە المايدى.

«بۇگىن حالىققا مەكەنجاي انىقتاماسى قانداي جاعدايدا تالاپ ەتىلەتىنىن ءتۇسىندىرۋ ءۇشىن جينالىپ وتىرمىز. ەگەر مەملەكەتتىك ورگان تۋرالى ايتار بولساق, ورتالىق مەملەكەتتىك ورگاندار نەمەسە وبلىستىق, اۋداندىق بولىمشەلەر دەڭگەيىندە بۇل مالىمەتتەر (مەكەنجاي انىقتاماسى- اۆت) قولجەتىمدى. جۇمىس بەرۋشى مۇنداي جاعدايدا جۇمىسقا تۇرعىسى كەلگەن ازاماتتان مەكەنجاي انىقتاماسىن تالاپ ەتە المايدى. ەگەر ماسەلە جەكە تۇلعادا بولسا, ەشبىر ەڭبەك زاڭناماسىندا مەكەنجاي انىقتاماسىن الىپ كەلۋ تۋرالى تالاپ جوق. ياعني, بۇل جەردە ماسەلە ازاماتتىڭ جۇمىسقا تۇرار كەزدە ءوزىنىڭ قايدا تۇراتىنىن ناقتى جازىپ بەرە الۋىمەن شەكتەلەدى», دەدى قر ءىىم كوشى-قون قىزمەتى كوميتەتى توراعاسىنىڭ ورىنباسارى گالينا سارسەنوۆا ۇكىمەتتىڭ ءباسپاسوز ورتالىعىنداعى بريفينگتە.

ارىپتەسىنىڭ ءسوزىن قر تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى ابىلايحان وسپانوۆ تا راستادى.

«مەكەنجاي انىقتاماسىن مەملەكەتتىك دەڭگەيدە الىنىپ تاستالدى. ياعني, بارلىق جۇمىس بەرۋشىلەر ازاماتتاردى جۇمىسقا الۋ تارتىپتەرىن قايتا قاراۋى كەرەك», — دەدى ول.

ەسكە سالا كەتسەك, بۇعان دەيىن «ازاماتتارعا ارنالعان ۇكىمەت» مەملەكەتتىك كورپوراتسيا باسقارماسىنىڭ توراعاسى اسەمگۇل بالتاشەۆا ەلىمىزدە مەكەنجاي انىقتاماسى 1 قاراشادن باستاپ جويىلاتىنىن ءمالىم ەتكەن ەدى.

دەرەككوز: inform.kz