Qandastardy anyqtaý erejesi jeńildetiledi

Bul týraly qandastar.kz habarlady.

«Qosymshadaǵy erejege sáıkes, úmitkerlerdiń jeke basyn kýálandyratyn qujattarda tıisti jazba bolmaǵan jaǵdaıda olardy Qazaqstan Respýblıkasynyń azamattyǵyna ońtaılandyrylǵan (tirkeý) tártibimen anyqtaý qaǵıdalary bekitilsin», – delingen Eńbek jáne halyqty áleýmettik qorǵaý mınıstrliginiń buıryǵynda.

О́tinishti Migration.enbek.kz portaly, «Qutty meken» mobıldi qosymshasy arqyly halyqty áleýmettik qorǵaý jáne jumyspen qamtý máseleleri jónindegi jergilikti atqarýshy organ nemese Qazaqstan Respýblıkasynyń sheteldegi mekemesi arqyly ómirbaıanymen (erkin nysanda) jáne turaqty turatyn eldiń sheteldik pasportynyń kóshirmesi usyna otyryp, jiberý qajet.

О́tinishti qaraý úshin atqarýshy organ arnaıy komıssııa qurady. Onyń quramyna  kóshi-qon, bilim berý, mádenıet, ishki saıasat, UQK salalarynda eńbek etetin jergilikti atqarýshy organdardyń ókilderi kiredi.

Sonymen qatar ishki ister organdary, etnıkalyq qazaqtardyń máselelerimen aınalysatyn úkimettik emes uıymdar nemese qoǵamdyq birlestikter, sondaı-aq qazaq tili jáne Qazaqstan tarıhy salasyn jetik biletin sarapshylar quramda qamtylǵan.

Komıssııa mynadaı algorıtm boıynsha jumys júrgizedi:

1) jeke basyn rastaýdan basqa, ótinish berýshiniń ulty qazaq ekenin rastaıtyn qosymsha usynylǵan qujattardy qaraý;

2) qazaq tilin, salt-dástúrin, ádet-ǵurpyn, mádenıetin, týystyq qatynasyn jáne adamnyń ózin etnıkalyq qazaq retinde tanýǵa múmkindik beretin basqa da faktorlardy bilýge ​​baǵyttalǵan jeke nemese onlaın suhbat júrgizý;

3) alynǵan aqparatty taldaý jáne baǵalaý;

4) qazaq ultyna jatatynyn anyqtaý nemese anyqtaýdan bas tartý týraly usynym.

«Ulty qazaq ekenin anyqtaý úshin ótinish berýshi halyqty áleýmettik qorǵaý jáne jumyspen qamtý máseleleri jónindegi jergilikti atqarýshy organǵa qosymsha týý týraly kýálikti, ata-anasynyń týý týraly kýáligin, ata-babasynyń Qazaqstan aýmaǵynda turýy týraly muraǵattyq anyqtamalardy, neke qııý týraly kýálikti, eger, bar jáne ótinish berýshiniń ulty qazaq ekenin rastaıtyn basqa da qujattar», – delingen qujatta.

Ata-anasynyń ulty ártúrli bolǵan jaǵdaıda, ótinish berýshi «Neke (erli-zaıyptylyq) jáne otbasy týraly» Qazaqstan Respýblıkasy Kodeksiniń 65-babynyń 2-tarmaǵyna sáıkes óziniń azamattyǵyn anyqtaıdy jáne kórsetedi.

Qazaq ultyn tanýdan bas tartýǵa mynalar negiz bolyp tabylady:

1) etnıkalyq qazaq qazaq ultyna jatatynyn taný úshin usynǵan qujattardyń jáne (nemese) olardaǵy derekterdiń (málimetterdiń) durys emestigin ne olardyń joqtyǵyn anyqtaý;

2) «Derbes derekter jáne olardy qorǵaý týraly» Qazaqstan Respýblıkasy Zańynyń 8-babyna sáıkes kózdelgen etnıkalyq qazaqtyń derbes derekterge qol jetkizýge kelisiminiń bolmaýy.