Qańtar oqıǵasy: Prezıdent rezıdenııasy men ákimdikti basyp aldy dep aıyptalǵan 11 adamǵa úkim shyqty

«Sot 10 sottalýshyny Qylmystyq kodekstiń 272-babynyń 2-bóliginiń 1), 4), 8) 380-babynyń 3-bóligi, 269-1-babynyń 3-bóligimen kináli dep tanydy. «Raqymshylyq jasaý týraly» Qazaqstan Respýblıkasynyń Zańyn paıdalanyp, olardyń árqaısysyna 1 jyl 9 aıǵa bas bostandyǵynan aıyrý jazasy taǵaıyndaldy. Bir sottalýshy baptyń 2-bóligi boıynsha kináli dep tanyldy. 272 QK-niń 380-babynyń 3-bóliginiń 1), 4), 8) tarmaqtarymen, 269-1-babynyń 3-bóligimen, 261-babynyń 3-bóligimen jáne «Raqymshylyq jasaý týraly» Qazaqstan Respýblıkasynyń Zańyn paıdalana otyryp, aqyry 4 jylǵa bas bostandyǵynan aıyryldy», – dep habarlady Almaty sotynyń baspasóz qyzmeti.

Olarǵa 2022 jylǵy qańtar oqıǵasy kezinde jappaı tártipsizdikter men kúzetiletin obektilerge shabýyl jasaý jáne olardy basyp alý, sondaı-aq bılik ókilderine kúsh qoldandy degen aıyp taǵyldy,-dep habarlaıdy Qandastar.kz

Aıyptaýshy taraptyń aıtýynsha, 2022 jyldyń 4-5 qańtarynda sottalýshylar ákimdikke, prezıdent rezıdenııasyna jáne polıııa ǵımaratyna kirgen. Úsheýi qoǵamdyq tártipti qalpyna keltirý sharalaryn júrgizip jatqan áskerıler men quqyq qorǵaý organdarynyń qyzmetkerlerine kúsh qoldanǵan.

«Sottalýshylardyń biri eki áskerı kýrsanttardy kepilge alyp, olarǵa jeńil jaraqattar ákeldi. Aıyptalýshylar taǵylǵan aıypty jartylaı moıyndady», – delingen habarlamada.

Jýrnalıst Danııar Moldabekov bul is boıynsha úkim únemi keıinge shegerilip, aqyry prokýror suraǵan merzimnen az bolyp shyqqanyn jazady.

Aıta keteıik, buǵan deıin prokýror 11 aıyptalýshyǵa 10-12 jyl mólsherinde jaza suraǵan edi.