قاراعاندى-استانا تاس جولىندا كوكتايعاق سالدارىنان 700-دەن استام كولىك كەپتەلىستە قالدى

فوتو: ۆيدەو سكرين

قاراعاندى ​​وبلىسىندا اۋا رايىنىڭ قولايسىزدىعىنا بايلانىستى رەسپۋبليكالىق جانە وبلىستىق ماڭىزى بار بارلىق تاس جولدار جابىلدى. سالدارىنان جولدا كەپتەلىس ورىن الدى. بۇل تۋرالى qandastar.kz اقپارات اگەنتتىگى حابارلايدى.

ىشكى ىستەر مينيسترلىگىنىڭ مالىمەتىنشە, قازىر وبلىستا 1000-نان استام كولىك كەپتەلىستە تۇر. اسىرەسە كۇردەلى جاعداي قاراعاندى-استانا باعىتىنداعى جولدا بايقالادى. وندا كوكتايعاق سالدارىنان 700-دەن استام كولىك جينالعان.

Stan.kz جول قاۋىپسىزدىگىن قامتاماسىز ەتۋ ماقساتىندا پوليتسيا ۋچاسكەلەرى كۇشەيتىلگەن رەجيمدە جۇمىس ىستەپ جاتىر. ءتارتىپ ساقشىلارى تۇندە قاراعاندىدان اقمولا وبلىسىنىڭ شەكاراسىنا دەيىن 700-دەن استام جانە قارسى باعىتتا 1000-نان استام كولىكتى الىپ ءجۇرۋدى ۇيىمداستىردى.

پوليتسەيلەر جۇرگىزۋشىلەردى تاس جولداردىڭ جابىق ۋچاسكەلەرىندە ۇزاق قاشىقتىققا جۇرمەۋگە جانە جول جاعدايى تۋرالى اقپاراتتى ەسكەرۋگە شاقىردى.

ايتا كەتەيىك, بۇعان دەيىن سينوپتيكتەر ەلىمىز بويىنشا جەلتوقسان ايىنا ارنالعان اۋا رايى بولجامىن جاريالاعان ەدى.  بۇل ايدا ەلدىڭ باسىم بولىگىندە  قار, بوران جانە ەكپىندى جەل بولاتىنى ايتىلعان.