جاڭالىقتار
قاراعاندى-استانا تاسجولىندا كولىك اپاتىنان 2 ادام قازا تاپتى
قاراعاندى – استانا اۆتوجولىندا جول اپاتىنان ەكى ادام كوز جۇمدى, دەپ حابارلايدى Qandastar.kz.
«27 جاستاعى Kia Rio كولىگىنىڭ جۇرگىزۋشىسى استانا قالاسىنا بارا جاتىپ, جىلدامدىق رەجيمى مەن اراقاشىقتىقتى ساقتاماعان. سونىڭ سالدارىنان ول الدىندا كەلە جاتقان Shanceman اۆتوكولىگىمەن سوقتىعىسقان», — دەيدى قاراعاندى وبلىسىنىڭ پد پاترۋلدىك پوليتسيا باتالونى كومانديرىنىڭ ورىنباسارى سۇڭعات ابىلقاس.
جول اپاتى سالدارىنان Kia Rio اۆتوكولىگىنىڭ جۇرگىزۋشىسى مەن جولاۋشىسى وقيعا ورنىندا كوز جۇمدى. تاعى ەكى جولاۋشى مەديتسينالىق مەكەمەگە جەتكىزىلدى.
اتالعان دەرەك بويىنشا قىلمىستىق ءىس قوزعالدى. قاجەتتى ساراپتامالار تاعايىندالدى, تەرگەۋ امالدارى جۇرگىزىلىپ جاتىر.
قاراعاندى وبلىسى پوليتسيا دەپارتامەنتى جۇرگىزۋشىلەردى جول ءجۇرۋ ەرەجەلەرىن قاتاڭ ساقتاۋعا, جولدا مۇقيات ءارى ساق بولۋعا شاقىردى.
