Qaraǵandyda er adam jalańash kúıinde kóshege shyǵyp, jurtty shoshytty

Vıdeodan alynǵan kadr

Qaraǵandy oblysynyń Maıqudyq aýdanynda 38 jastaǵy er adamnyń kóshege jalańash shyqqany turǵyndardy shoshytty, dep habarlaıdy Azattyq Rýhy Patrıotqa silteme jasap.

Qala turǵyndaryn tańǵaldyrǵany tek er adamnyń jalańashtyǵy ǵana emes, sondaı-aq onyń sýyq aýa raıyna tózimdiligi boldy. Oqıǵa kezinde Qaraǵandydaǵy aýa temperatýrasy 10-12 gradýs shamasynda bolǵan.

Kóshedegiler dereý polıııa shaqyryp, oqıǵa ornyna kelgen tártip saqshylary er adamdy ustap, onyń jeke basyn anyqtaý úshin bólimshege jetkizdi.

«38 jastaǵy er adam Qaraǵandy oblystyq psıhonevrologııalyq dıspanserine jatqyzyldy», – dep habarlady Qaraǵandy oblysy polıııa departamentiniń baspasóz qyzmeti.