Qaraǵandyda qoǵamdyq kóliktegi jolaqy qymbattaýy múmkin

Qaraǵandyda qoǵamdyq kóliktegi jolaqyny kóterý máselesi qaralýda. Bul suraq qazirgi ýaqytta talqylaý men pysyqtaý kezeńinde, dep habarlaıdy Qandastar.kz aqparat portaly ekaraganda.kz-ke silteme jasap.

Mamandardyń aıtýynsha, ınflıaııa, janarmaı baǵasynyń ósýi, sondaı-aq jolaýshylar tasymaly sapasyn saqtaý jáne jaqsartý qajettiligi — tarıftiń ósýine sebep bolýy múmkin.

Qaraǵandy qalasynyń TKSh, jolaýshylar kóligi jáne avtomobıl joldary bólimine qarasty sektor meńgerýshisi Temirlan Taldybaevtyń aıtýynsha, qazirgi eseptik ortasha tarıf – 470 teńge. Alaıda memlekettik sýbsıdııalarǵa qaramastan, bul qarjy janarmaı shyǵyndary men júrgizýshiler men tehnıkalyq qyzmetkerlerdiń jalaqysyn tolyq óteýge jetkiliksiz.

«Biz jyl saıyn jolaýshylar tasymalynyń sapasyn arttyrýǵa kúsh salyp kelemiz: jańa baǵyttar ashamyz, buryn jabylǵandaryn qaıta iske qosamyz, avtobýstar sanyn kóbeıtemiz. Munyń bári qosymsha shyǵyndy talap etedi. Onyń ústine, sáýirden bastap janarmaı baǵasy qymbattady. Munyń bárin eskermeýge bolmaıdy», – dedi Temirlan Taldybaev.

Degenmen, jolaqyny kóterý – uzaq ári kópsatyly proess. Eń aldymen, jobany qalalyq qoǵamdyq keńeste qorǵaý qajet, odan keıin ol qalalyq máslıhat janyndaǵy birlesken komıssııanyń qaraýyna jiberiledi. Sońǵy sheshim máslıhat sessııasynda qabyldanady, onda joba negizdelip, depýtattardyń qoldaýyn alýy tıis. Tek osydan keıin normatıvtik-quqyqtyq akt qabyldanyp, «Ádilet» memlekettik júıesinde jarııalanady, jáne turǵyndarǵa tarıftiń ózgergeni týraly resmı túrde habarlanady.

Aldyn ala málimet boıynsha, ONAY! kartasy arqyly tólem jasaǵan kezde jolaqy 120 teńgege deıin, al qolma-qol tólegen jaǵdaıda 250 teńgege deıin kóterilýi múmkin. Bul Qaraǵandydaǵy tarıfterdi Almaty qalasyndaǵy baǵalarmen shamalas deńgeıge jetkizedi.

Eske sala keteıik, Qaraǵandyda jolaqy sońǵy ret 2024 jyldyń maýsymynda kóterilgen bolatyn. Buǵan deıin qalada 10 jyldan astam ýaqyt boıy jolaqy ózgermegen edi.

Qalaı bolǵanda da, bul másele ázirge ashyq kúıinde qalyp otyr, jáne sońǵy sheshim barlyq qajetti rásimder aıaqtalǵannan keıin ǵana qabyldanady.