Qaraǵandyda jańa týǵan sábılerge dombyra syıǵa tartyldy

Qaraǵandyda Dombyra kúni týǵan balalarǵa qazaq mádenıetiniń mańyzdy sımvoldarynyń biri – mýzykalyq aspap tartý etý dástúrge aınaldy. Bıyl ulttyq mereke Astana kúnimen tuspa-tus keldi, dep habarlaıdy Qandastar.kz.

Qazaqstan halqy Assambleıasynyń músheleri perzenthanalarda bolyp, analar men sábılerdi quttyqtap, elimizdiń jańa azamattaryna baqyt tiledi.

Dombyra – bul jaı ǵana mýzykalyq aspap emes, ol qazaq mádenıetiniń bir bóligi, dástúrler men ulttyq maqtanyshtyń sımvoly. Ol urpaqtardyń baılanysyn, halyqtyń baı tarıhı murasy men rýhanı sabaqtastyǵyn bildiredi. Sondyqtan da biz osyndaı syılyq tabystadyq, – dedi Qaraǵandy oblysy QHA analar keńesiniń tóraıymy Aıjan Qııasova.

Qaraǵandydaǵy № 1 Perınataldyq ortalyqta osy mereke kúni birinshi bolyp bir qyz dúnıege keldi, náresteniń esimin Amıra dep qoıdy. Sábı – otbasyndaǵy besinshi bala. Syıǵa tartylǵan dombyra sábıdiń tumary ispettes bolmaq.

Akııa ultaralyq kelisimdi nyǵaıtýǵa jáne ulttyq qundylyqtardy ilgeriletýge qyzmet etedi, dep senedi bastamashylar.

Oblys boıynsha eki mańyzdy mereke atap ótilýde. Kórmeler, konertter, fleshmobtar, konkýrstar, tanymdyq dárister ótedi.

Ulttyq dombyra kúni Qazaqstanda 2018 jyldan bastap shildeniń birinshi jeksenbisinde atap ótiledi. IýNESKO sheshimi boıynsha dombyra men kúı adamzattyń materıaldyq emes murasy tizimine engizilgen.