Qaraǵandyda jedel járdem júrgizýshisin soqqyǵa jyqqan Nurbolat Dákebaev 2 jylǵa bas bostandyǵynan aıyryldy

Foto: stan.kz

Qaraǵandyda jedel járdem kóligi júrgizýshisin sabaǵan Nurbolat Dákebaevtyń isi boıynsha kezekti sot otyrysy ótti. Jaýapker sotta sońǵy sózin sóıledi. Bul týraly qandastar.kz   Stan.kz aqparat agenttigi habarlaıdy.

Sottalýshy óz sózinde jasaǵan qylmysyna shyn júrekten ókinetinin basa aıtty. Ol tergeý ızolıatorynda jeti aı otyrǵanda bárin oı eleginen ótkizip, qatesin túsingen eken.

«Qurmetti sot, men bolǵan iske qatty ókinemin. Zardap shegýshiden, sizden, otbasylaryńyzdan, qoǵamnan keshirim suraımyn. Istegen isime qatty ókinemin. Isim búkil qoǵamdy shoshytqanyna qatty ókinemin. Jeti aı boıy abaqtyda otyryp, kóp nárseni túsinip, tarazyladym. Sot myrzaǵa aıtarym, maǵan sheshim shyǵararda bostandyqtan aıyrmaýyńyzdy suraımyn. Úsh balam baryn, áke-sheshemniń baryn eskerýdi suraımyn. Ádil sheshim shyǵaratynyńyzǵa senemin», – dedi Dákebaev.

Sot otyrysynda ol bas bostandyǵyn shekteýdi qoldanyp, qamaýda bolǵan ýaqytty jazaǵa qosýdy surady.

«Jazaǵa kelsek, men qylmystyq quqyq buzýshylyq jasaǵan kezde qoldanysta bolǵan Qylmystyq kodekstiń 2024 jylǵy 27 qańtardaǵy nusqasyn qoldanýyńyzdy suraımyn. Bapta aıyppul túrindegi jaza qarastyrylǵan. 2 myń AEK-ke (7 384 000 teńge) deıingi mólsherde nemese sol mólsherde túzeý jumystaryna, ne 800 saǵatqa deıingi merzimge qoǵamdyq jumystarǵa tartýǵa, ne úsh jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrýǵa jazalanady. Bas bostandyǵyn shekteýdi qoldanyp, qamaýda bolǵan ýaqytty jazaǵa qosýdy suraımyn. Prokýror maǵan bıyl 16 maýsymyndaǵy Qylmystyq kodekstiń úsh jylǵa deıin bas bostandyǵynan aıyrýdy kózdeıtin nusqasyn qoldanýdy suraıdy. Zańǵa engizilgen ózgertýler men túzetýler meniń jaǵdaıymdy nasharlatpaýy kerek», – dedi Nurbolat Dákebaev sotta.

Sýdıa Baqtııar Aqanov Nurbolat Dákebaevty buzaqylyq nıetpen densaýlyqqa qasaqana ortasha aýyrlyqtaǵy zııan keltirgeni úshin kináli dep tapty.

Osylaısha ol jedel járdem júrgizýshisin soqqyǵa jyqqan Qaraǵandy turǵyny Dákebaev 2 jylǵa bas bostandyǵynan aıyryldy.

«Sot sottalýshynyń qyzmettik mindetterin atqarý kezinde adamǵa zııan keltirý faktisin aýyrlatatyn mán-jaı dep tanydy. Jeńildetetin mán-jaılarǵa kinásin shyn júrekten moıyndaý jáne eki kishkentaı balanyń bolýy jatady», – dep atap ótti sýdıa.

Eske sala keteıik, 22 tamyzda Qaraǵandyda jedel járdem júrgizýshisi Tóreǵalı Berikqalıulyn uryp-soǵý isi boıynsha sot otyrysy qaıta jalǵasty. Proess tikeleı efırde kórsetildi. Buǵan deıin is boıynsha júrgizilgen saraptamadan keıin jańa aıyptaý aktisi daıyndalýyna baılanysty sot otyrysy ýaqytsha toqtatylǵan.

Alǵashynda Nurbolat Dákebaev kúsh qoldaný arqyly buzaqylyq jasady dep aıyptaldy. Sot-medıınalyq saraptamalardan keıin taǵylǵan aıyp 107-baptyń 2-bóliginiń 5-tarmaǵyna, ıaǵnı buzaqylyq nıetpen jasalǵan jábirlenýshiniń densaýlyǵyna qasaqana aýyrlyǵy ortasha zııan keltirýge jatqyzyldy.

Sońǵy otyrysta prokýror Dákebaevty úsh jylǵa bas bostandyǵynan aıyrýdy jáne odan jábirlenýshiniń paıdasyna 5 mıllıon teńgeden astam somany óndirýdi suraǵan. Dákebaevtyń ózi moraldyq shyǵyn kólemin qoljetimsiz dep atady.