Qaraǵandydaǵy trassada 10 kólik soqtyǵysty

Kollaj: sn.kz

Qaraǵandy oblysyndaǵy trassada aýa raıynyń qolaısyzdyǵynan 10 kólik soqtyǵysty. Oqıǵa «Astana – Qaraǵandy (aınalma jol) – Almaty» avtojolynyń 1449 shaqyrymyndaǵy «Temirtaý – Qaraǵandy» avtojol ýchaskesinde 6 naýryz saǵat 16:30-da bolǵan, dep habarlaıdy qandastar.kz

Aldyn ala derekter boıynsha, zardap shekkender joq. Oqıǵa ornynda jedel qyzmetter jumys istep, mán-jaılar naqtylanýda. Saǵat 17:00-de «Temirtaý – Qaraǵandy» tólem aqy alý ýchaskesinde barlyq kólik túrleriniń qozǵalysyna ýaqytsha shekteý engizildi. Jol belgileri qoldanystaǵy zańnamaǵa sáıkes ornatyldy.

«Jol-kólik oqıǵasynyń aldyn ala sebebi – jol qozǵalysy erejelerin saqtamaý. Júrgizýshilerge saq bolýǵa, aýa raıy jaǵdaılaryn eskerýge jáne jol qyzmetteriniń nusqaýlaryna baǵynýǵa keńes beriledi», — delingen «QazAvtoJol» málimetinde.