جاڭالىقتار
«كارتامدا 103 ملن تەڭگە جاتىر»: تويعا كەلگەن ەسەپشى قوماقتى اقشاسىن كورسەتىپ, باس جۇلدە الدى
فوتو: Azattyq Ruhy / اسەت قۇنداقباەۆ
قازاقتىڭ تويىندا تاعى ءبىر تاڭدانىس تۋدىرعان جايت ورىن الدى – تويعا كەلگەن قوناقتار كىمنىڭ اقشاسى كوپ ەكەنىن كورسەتىپ, جارىستى, دەپ جازادى qandastar.kz Azattyq Rýhy-نا سىلتەمە جاساپ.
ويىنعا قاتىسقان قوناقتاردىڭ ءبىرى بانك كارتاسىندا 25 ملن تەڭگە بار ەكەنىن ايتتى. ال بۋحگالەر بولىپ ىستەيتىن مەيمان بانك كارتاسىندا 103 ملن تەڭگە جاتقانىن كورسەتىپ, باس سىيلىقتى ۇتىپ الادى. تامادانىڭ الەۋمەتتىك جەلىدەگى لوكاتسياسىنا قاراساق, توي قىزىلوردا قالاسىندا ءوتۋى مۇمكىن.
دەگەنمەن, ۆيدەوعا پىكىر جازعان ادامدار بۇل بۋحگالتەردى شۇعىل تۇردە انتيكور تەكسەرۋ كەرەك دەگەن پىكىردە قالعان.
«بۋحگالتەردى انتيكور تەكسەرۋى كەرەك. كارتاسىندا 103 ملن تەڭگە بار, بىراق تويعا ون مىڭ بەرەتىن شىعار. جۇمىسشىلاردىڭ جالاقىسىن كارتاسىنا سالىپ العان بولار. ارى تازا بولعان سوڭ, كورسەتىپ وتىر عوي. ءبىر مەكەمە جۇمىسشىلارىنىڭ ايلىعى شىعار, دەپوزيتكە اينالدىرۋ ءۇشىن سالىپ قويعان شىعار», – دەپ جازعان ولار.
