قارجى پيراميدالارى قازاقستاندىقتارعا 20 ملرد شىعىن كەلتىردى

فوتو: © Pixabay/schuldnerhilfe

قارجى مونيتورينگى اگەنتتىگى قارجى پيراميداسىن قۇرۋ دەرەكتەرى بويىنشا 57 قىلمىستىق ءىستى قاراپ شىقتى. ناتيجەسىندە 20 ملرد تەڭگەگە جۋىق شىعىن انىقتالىپ وتىر, دەپ حابارلايدى Qandastar.kz.

شىعىننىڭ 12 ملرد تەڭگەدەن استامى وتەلگەن. اگەنتتىك جۋىردا الماتىدا تەرگەلگەن HitBeatMusic پيراميداسىن مىسالعا كەلتىرەدى. اتالعان پيراميدا كاناداداعى مۋزىكالىق ينۆەستيتسيالىق جوبانىڭ ءىرى اكتسياسىنا يەلىك ەتەمىز دەپ كورسەتكەن.

«سالىمشىلاردى وسىلايشا قۇرىققا ءتۇسىرىپ, اكتسيانى سىلتاۋراتقان, قاراجاتىن تارتقان. ولارعا سالىنعان سومادان 10-15%-عا دەيىن كىرىس بەرۋدى ۋادە ەتكەن. شىعىن كولەمى – 255 ملن تەڭگە. سوت ۇكىمىمەن ۇستالعاندار كىنالى دەپ تانىلىپ, 5 جىلدان 6 جىلعا دەيىن باس بوستاندىعىنان ايىرىلدى», – دەپ اتاپ ءوتتى قما.

اگەنتتىك الاياقتاردان ساق بولۋعا شاقىرادى. تۇزاققا تۇسپەس ءۇشىن قارجى پيراميداسىنىڭ بەلگىلەرىن تەكسەرۋگە مۇمكىندىك بەرەتىن تەلەگرام-بوتتى دا ىسكە قوسقانىن حابارلايدى. سونىمەن قاتار ۆەدومستۆو سايتىندا الاياقتىققا قاتىسى بولعان كومپانيالاردىڭ ءتىزىمى تىركەۋلى.