جاڭالىقتار
قارجى پيراميدالارىنىڭ تىزىمىنە قوسىلعان «امانات drive» كومپانياسىنا الدانىپ قالعاندار شاعىمىن ايتتى
“امانات drive” كومپانياسى حالىققا تابىس كوزىن راستاۋسىز, نەسيە تاريحى مەن جاس شەكتەۋىنە قاراماي ارتىق پايىزسىز 5 جىلدان 10 جىلعا دەيىن ءبولىپ تولەۋدى ۇسىنادى.
اتالعان كومپانيانىڭ جاريالاعان مالىمەتىنە قاراعاندا, قازىرگى ۋاقىتتا 2000-نان اسا وتباسى ءوزىنىڭ باسپاناسى مەن كولىگىن Amanat Drive تك ارقىلى پايىزسىز, تابىستى راستاۋسىز ءارى نەسيە تاريحى مەن قارا ءتىزىمدى ەسكەرمەي العان.
مونيتورينگ اگەنتتىگى بۇل ۇيىمدى قارجىلىق پيراميدالاردىڭ تىزىمىنە قوسقان.
از ۋاقىتتىڭ ىشىندە ارتىق تولەمسىز باسپانا الۋدى ارمانداعان كۇمىسكۇل قايىربەك ۋادە ەتىلگەن ۋاقىتتان ۇزاق كۇتكەنىن جەتكىزدى. اتىراۋ قالاسىنىڭ تۇرعىنى ءوزى تۇراتىن قالادان ءۇي العىسى كەلگەن. كومپانياعا كىرۋ جارناسى مەن ءۇيدىڭ باستاپقى جارناسىن سالعان ول باسپانالى بولامىن دەگەن ارمانىن جوعالتىپ العانىنا شاعىمدانادى.
