Qarjy pıramıdalarynyń tizimine qosylǵan «Amanat drive» kompanııasyna aldanyp qalǵandar shaǵymyn aıtty

“Amanat drive” kompanııasy halyqqa tabys kózin rastaýsyz, nesıe tarıhy men jas shekteýine qaramaı artyq paıyzsyz 5 jyldan 10 jylǵa deıin bólip tóleýdi usynady. 

Atalǵan kompanııanyń jarııalaǵan málimetine qaraǵanda, qazirgi ýaqytta 2000-nan asa otbasy óziniń baspanasy men kóligin Amanat Drive TK arqyly paıyzsyz, tabysty rastaýsyz ári nesıe tarıhy men qara tizimdi eskermeı alǵan. 

Monıtorıng agenttigi bul uıymdy qarjylyq pıramıdalardyń tizimine qosqan. 

Az ýaqyttyń ishinde artyq tólemsiz baspana alýdy armandaǵan Kúmiskúl Qaıyrbek ýáde etilgen ýaqyttan uzaq kútkenin jetkizdi. Atyraý qalasynyń turǵyny ózi turatyn qaladan úı alǵysy kelgen. Kompanııaǵa kirý jarnasy men úıdiń bastapqy jarnasyn salǵan ol baspanaly bolamyn degen armanyn joǵaltyp alǵanyna shaǵymdanady.