كاسىپكەر: ادامدار ساۋدا ورىندارىنان زات ساتىپ الۋدى قويدى, ماركەتپلەيستەردى جابۋدى ۇسىنامىز

فوتو: klerk.ru

قازاقستاندا ماركەتپلەيستەردىڭ جىلدىق اينالىمى شامامەن 1,8 ترلن تەڭگەنى قۇرادى, – دەپ حابارلايدى qandastar.kz.

قازىر وتانداستار رەسەيلىك جانە قىتايلىق ماركەتلەيستەردە ساۋدانىڭ كوركىن قىزدىرىپ ءجۇر. بۇل رەتتە قازاقستاندىق ساۋداگەرلەر وزدەرىنە قولداۋ تانىتۋدى سۇرايدى.

«ساۋدا جوق! نە ىستەيمىز? قازاقستاندا Ozon, Temu, Wildberries-كە تىيىم سالۋدى ۇسىنامىز. ولار ادەتتەگى ساۋدانى ىعىستىردى. ساۋدا مۇلدە جوق. ادامدار زات ساتىپ الۋدى قويدى. بۇرىن-سوڭدى مۇنداي نارسە بولعان ەمەس. جاڭا جىلدان باستالدى. ەگەر ينتەرنەت-دۇكەندەر ساتىپ الۋشىلاردى تارتۋدى جالعاستىرا بەرسە, وندا ءبىز جاي عانا كاسىبىمىزدى جابۋمىز كەرەك. ول نەنى بىلدىرەدى, ساتۋشىلار جۇمىستان شىعارىلادى, مەملەكەت سالىق المايدى!», – دەپ شاعىمداندى كاسىپكەر Facebook-تە.

ساۋالنامانىڭ ناتيجەسىندە قازاقستاندىقتاردىڭ 67% – ى Wildberries-تەن ساتىپ الاتىنى انىقتالدى.