Kásipker: Adamdar saýda oryndarynan zat satyp alýdy qoıdy, marketpleısterdi jabýdy usynamyz

Foto: klerk.ru

Qazaqstanda marketpleısterdiń jyldyq aınalymy shamamen 1,8 trln teńgeni qurady, – dep habarlaıdy qandastar.kz.

Qazir otandastar reseılik jáne qytaılyq marketleısterde saýdanyń kórkin qyzdyryp júr. Bul rette qazaqstandyq saýdagerler ózderine qoldaý tanytýdy suraıdy.

«Saýda joq! Ne isteımiz? Qazaqstanda Ozon, Temu, Wildberries-ke tyıym salýdy usynamyz. Olar ádettegi saýdany yǵystyrdy. Saýda múlde joq. Adamdar zat satyp alýdy qoıdy. Buryn-sońdy mundaı nárse bolǵan emes. Jańa jyldan bastaldy. Eger ınternet-dúkender satyp alýshylardy tartýdy jalǵastyra berse, onda biz jaı ǵana kásibimizdi jabýmyz kerek. Ol neni bildiredi, satýshylar jumystan shyǵarylady, memleket salyq almaıdy!», – dep shaǵymdandy kásipker Facebook-te.

Saýalnamanyń nátıjesinde qazaqstandyqtardyń 67% – y Wildberries-ten satyp alatyny anyqtaldy.