قارجى جانە تولەمدەر
كاسىپورىندار ققس وسەدى دەگەننەن باعالاردى كوتەرىپ, ينفلياتسيانى جەدەلدەتكەن
كاسىپورىندار ققس وسەدى دەگەننەن باعالاردى كوتەرىپ, ينفلياتسيانى جەدەلدەتۋگە سەبەپ بولعان. سالدارىنان ازىق-ت ۇلىك پەن قىزمەت سالاسىندا باعالار شارىقتاپ كەتكەن, دەپ جازدى qandastar.kz
بۇل تۋرالى سەناتتا سالىق كودەكسىن تالقىلاۋ كەزىندە ۇلتتىق ەكونوميكا ءمينيسترى سەرىك جۇمانعارين ايتتى.
«ققس كوتەرىلسە, ءبىز ينفلياتسيا 2,2%-2,3% كولەمىندە ءوسىم بەرەدى دەپ جوسپارلاپ وتىرمىز. شىن ايتقاندا, كوپتەگەن كاسىپورىندار سالىق كودەكسى كەلەسى جىلدىڭ باسىنان كۇشىنە ەنەتىنىنە قاراماستان, باعانى كوتەرىپ تاستاعان. مۇنى ەشكىم جاسىرىپ جاتقان جوق. ءتىپتى كەيبىرى ققس 20% بولادى دەگەن ەسەپپەن كوتەرگەن. سول سەبەپتى كۇتىلەتىن ينفلياتسيانىڭ ءبىر بولىگىن وسى جىلدان باستاپ الا باستادىق. سالدارىنان ازىق-ت ۇلىك باعاسى 9,6%-عا, ازىق-ت ۇلىكتىڭ ەمەس ونىمدەر 9%, قىزمەتتەر 16%-عا كوتەرىلگەن. دەسە دە, ءبىز ولاردىڭ باعالاردى بۇدان ارى كوتەرۋىنە جول بەرمەيمىز», – دەدى مينيستر.
سونداي-اق مينيستر يندەكساتسيا ەسەبىنەن الەۋمەتتىك وسال توپتاردىڭ ققس-ءتىڭ كوتەرىلۋىنەن زارداپ شەكپەيتىنىن ايتىپ, سەندىردى. ال 140 مىڭ تەڭگە كولەمىندە جالاقى الاتىن ازاماتتاردان تابىس سالىعى الىنبايتىنىن, سالدارىنان قازىر جۇمىس ىستەپ جاتقانداردىڭ تەڭ جارتىسىنا, ياعني 53%-ىنا جەڭىلدىك جاسالاتىنىن مالىمدەدى.
ايتا كەتەيىك, سەنات ءبىرىنشى وقىلىمدا سالىق كودەكسىن ماقۇلدادى. جاڭا سالىق رەفورماسىنا سايكەس ققس 12%-دان 16%-عا دەيىن كوتەرىلەدى بۇل بيۋدجەتكە قوسىمشا 3-4 ترلن تەڭگە تۇسۋىنە جول اشادى.
