Qarjy jáne tólemder
Kásiporyndar QQS ósedi degennen baǵalardy kóterip, ınflıaııany jedeldetken
Kásiporyndar QQS ósedi degennen baǵalardy kóterip, ınflıaııany jedeldetýge sebep bolǵan. Saldarynan azyq-túlik pen qyzmet salasynda baǵalar sharyqtap ketken, dep jazdy qandastar.kz
Bul týraly Senatta Salyq kodeksin talqylaý kezinde Ulttyq ekonomıka mınıstri Serik Jumanǵarın aıtty.
«QQS kóterilse, biz ınflıaııa 2,2%-2,3% kóleminde ósim beredi dep josparlap otyrmyz. Shyn aıtqanda, kóptegen kásiporyndar Salyq kodeksi kelesi jyldyń basynan kúshine enetinine qaramastan, baǵany kóterip tastaǵan. Muny eshkim jasyryp jatqan joq. Tipti keıbiri QQS 20% bolady degen eseppen kótergen. Sol sebepti kútiletin ınflıaııanyń bir bóligin osy jyldan bastap ala bastadyq. Saldarynan azyq-túlik baǵasy 9,6%-ǵa, azyq-túliktiń emes ónimder 9%, qyzmetter 16%-ǵa kóterilgen. Dese de, biz olardyń baǵalardy budan ary kóterýine jol bermeımiz», – dedi mınıstr.
Sondaı-aq mınıstr ındeksaııa esebinen áleýmettik osal toptardyń QQS-tiń kóterilýinen zardap shekpeıtinin aıtyp, sendirdi. Al 140 myń teńge kóleminde jalaqy alatyn azamattardan tabys salyǵy alynbaıtynyn, saldarynan qazir jumys istep jatqandardyń teń jartysyna, ıaǵnı 53%-yna jeńildik jasalatynyn málimdedi.
Aıta keteıik, Senat birinshi oqylymda Salyq kodeksin maquldady. Jańa salyq reformasyna sáıkes QQS 12%-dan 16%-ǵa deıin kóteriledi Bul bıýdjetke qosymsha 3-4 trln teńge túsýine jol ashady.
