Kaspıı teńizinde iri ırandyq esirtki kontrabandasy ustaldy

Ázerbaıjan Memlekettik shekara qyzmeti 4 qyrkúıekke qaraǵan túni Neftchala aýdany mańyndaǵy Kaspıı teńizinde arnaıy operaııa júrgizip, Irannyń 2 azamatyn ustady, dep habarlaıdy Qandastar.kz

Bul týraly inbusiness.kz saıty jazdy.

Joǵary jyldamdyqpen jaǵalaýǵa bet alǵan qaıyqqa dabyl men eskertý oqtary jasalǵanyna qaramastan, olar qashýǵa árekettengen. Qaıyqtyń qozǵaltqyshy órtenip, qylmyskerler esirtki salynǵan paketterdi teńizge tastaǵanymen, shekarashylar olardy sýdan shyǵaryp, quryqtady.

Qaıyqtaǵy órt sóndirilgen soń teńizden tabylǵan paketterden 11 keli 850 gramm esirtki anyqtaldy. Ustalǵandar – 1994 jyly týǵan Gýlreza Djavad Alıreza jáne 1996 jyly týǵan Bordbar Mılad Mansýr – Iran azamattary ekeni belgili boldy.

Atalǵan fakti boıynsha Ázerbaıjan Qylmystyq kodeksiniń kontrabanda, esirtki tasymaly jáne shekarany zańsyz kesip ótý baptarymen is qozǵaldy. Tergeý amaldary júrip jatyr.