كاسپي تەڭىزىندە شايانداردىڭ جاپپاي قىرىلۋى تىركەلدى

فوتو: pixabay.com

ءولى شاياندار 4ا شاعىن اۋدانعا قاراما-قارسى جاعالاۋدان 500 مەتر قاشىقتىقتان تابىلعان.

— شاياندار وتە كوپ, سۋدىڭ تۇبىندە ۇساق بالىقتار دا بار. مۇمكىن زياندى بىردەڭە توككەن شىعار, — دەيدى بەينەجازبانى تۇسىرگەن تۇرعىن.

ESOMAR قاۋىمداستىعىنىڭ وڭىرلىك ەكولوگيالىق كەڭەسىنىڭ توراعاسى, قر ەكولوگيا جانە تابيعي رەسۋرستار مينيسترلىگىنىڭ قوعامدىق كەڭەسىنىڭ مۇشەسى ادىلبەك قوزىباقوۆ ۇساق بالىقتار مەن شايانداردىڭ ولىمىنە تەڭىزگە زياندى زاتتاردىڭ توگىلۋى سەبەپ بولۋى مۇمكىن دەگەن بولجام جاسادى.

— شاياندار بويىنشا مامان ەمەسپىن, بىراق بەينەجازباعا قاراعاندا, زياندى زاتتار رۇقساتسىز توگىلگەن بولۋى مۇمكىن. بۇل جەردەن سۋدان جانە شايانداردان سىنامالار الىپ تالداۋ قاجەت, — دەدى ەكولوگ.

مامانداردىڭ پىكىرىنشە, سۋداعى وتتەگىنىڭ جەتىسپەۋشىلىگى دە شايانداردىڭ جاپپاي قىرىلۋىنا سەبەپ بولۋى مۇمكىن. ماسەلەن, موتورلى قايىقتاردىڭ دىبىستارىنان قورقىپ, بالدىرلاردىڭ استىنا ءتۇسىپ, جاپپاي جينالعاندىقتان وتتەگى جەتىسپەي ءولۋ ىقتيمالدىعى دا بار.

ال ەكولوگيا دەپارتامەنتى ناقتى سەبەبىن تەكسەرۋ ءۇشىن سۋدان سىنامالار الاتىنىن حابارلادى.