Jańalyqtar
Kaspıı teńizinde shaıandardyń jappaı qyrylýy tirkeldi
Foto: pixabay.com
Teńiz túbinde jınalyp jatqan óli shaıandardy turǵyndar baıqaǵan. Osy oqıǵaǵa qatysty ekologtar aldyn-ala boljam jasady. Sondaı-aq, sol aımaqtan sý synamalaryn alý úshin mamandardy jiberdi.
О́li shaıandar 4A shaǵyn aýdanǵa qarama-qarsy jaǵalaýdan 500 metr qashyqtyqtan tabylǵan.
— Shaıandar óte kóp, sýdyń túbinde usaq balyqtar da bar. Múmkin zııandy birdeńe tókken shyǵar, — deıdi beınejazbany túsirgen turǵyn.
ESOMAR qaýymdastyǵynyń óńirlik ekologııalyq keńesiniń tóraǵasy, QR Ekologııa jáne tabıǵı resýrstar mınıstrliginiń Qoǵamdyq keńesiniń múshesi Ádilbek Qozybaqov usaq balyqtar men shaıandardyń ólimine teńizge zııandy zattardyń tógilýi sebep bolýy múmkin degen boljam jasady.
— Shaıandar boıynsha maman emespin, biraq beınejazbaǵa qaraǵanda, zııandy zattar ruqsatsyz tógilgen bolýy múmkin. Bul jerden sýdan jáne shaıandardan synamalar alyp taldaý qajet, — dedi ekolog.
Mamandardyń pikirinshe, sýdaǵy otteginiń jetispeýshiligi de shaıandardyń jappaı qyrylýyna sebep bolýy múmkin. Máselen, motorly qaıyqtardyń dybystarynan qorqyp, baldyrlardyń astyna túsip, jappaı jınalǵandyqtan ottegi jetispeı ólý yqtımaldyǵy da bar.
Al ekologııa departamenti naqty sebebin tekserý úshin sýdan synamalar alatynyn habarlady.
