جاڭالىقتار
كاسپي تەڭىزىنەن ۇلكەن قارا داق بايقالدى
فوتو: primeminister.kz
16 تامىزدا ء«مولدىر الەم» جوباسىنىڭ ەكولوگتارى كاسپي تەڭىزىنەن لاستاۋشى داقتى انىقتادى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
داقتىڭ اۋماعى – 82 شارشى شاقىرىم.
«كاسپيدەگى ءمولدىر الەم» جوباسىنىڭ قاتىسۋشىلارى Sentinel-1A راديولوكاتسيالىق فوتوسىندا ۇلكەن فراگمەنتتىك داق تىركەلگەنىن ايتتى. جوباعا قاتىسۋشىلاردىڭ ايتۋىنشا, ول مۇناي نەمەسە بالىق اۋلاۋ قالدىقتارىنان تۇرۋى مۇمكىن.
فوتو: twoworldkasp
ول قازاقستان جانە ءازىربايجان سەكتورلارىن قامتيتىن قۇرىق پورتىنان باكۋگە دەيىنگى كەمە قاتىناسى بويىمەن سوزىلىپ جاتىر.
«بۇل ەندى سۋداعى كەزدەيسوق «لاس داق» ەمەس, كاسپي كارتاسىنداعى تۇتاس قارا بەلگى», – دەپ حابارلادى Transparent World.
ولار مۇنداي شىعارىندىلار جالعاسا بەرسە, تەڭىزدىڭ جاعدايى قۇريدى دەپ الاڭدايدى.
ايتا كەتەيىك, بۇعان دەيىن قازاقستاندىق ۆيدەوگراف اداي مىرزاتاي جەلىدەگى پاراقشاسىندا كاسپي تەڭىزىنىڭ 2013 جانە 2025 جىلدارداعى كۇيىن سالىستىرعان بەينەروليك جاريالاعانىتۋرالى جازعان ەدىك.
