جاڭالىقتار
قاسىم-جومارت توقاەۆ قازاقستان حالقىن كونستيتۋتسيا كۇنىمەن قۇتتىقتادى
فوتو: اقوردا
30 تامىزدا مەملەكەت باسشىسى قاسىم-جومارت توقاەۆ قازاقستان حالقىن كونستيتۋتسيا كۇنىمەن قۇتتىقتادى, دەپ حابارلايدى qandastar.kz
پرەزيدەنت بارشانى كونستيتۋتسيا كۇنىمەن قۇتتىقتاي كەلە, اتا زاڭ مەملەكەتتىلىگىمىزدىڭ بەرىك تۇعىرى, ەلىمىزدىڭ دايەكتى ءارى تۇراقتى دامۋىنىڭ مىزعىماس كەپىلى ەكەنىن باسا اتاپ ءوتتى.
«مەملەكەت پەن قوعام ءومىرىنىڭ نەگىزىن ايقىندايتىن كونستيتۋتسيادا ازاماتتاردىڭ مۇددەسىنە, قۇقىعى مەن بوستاندىعىنا ايرىقشا نازار اۋدارىلعان. سوندىقتان قازاقستاندا جۇزەگە اسىرىلىپ جاتقان بارلىق اۋقىمدى وزگەرىستىڭ ماقساتى – حالىقتىڭ ءال-اۋقاتىن جاقسارتۋ. 2022 جىلعى كونستيتۋتسيالىق رەفورمانىڭ ناتيجەسىندە جان-جاقتى دەموكراتيالاندىرۋ ۇدەرىسى باستالدى, ساياسي جۇيەنى جاڭعىرتۋعا جاعداي جاسالدى. قۇقىق قورعاۋ ينستيتۋتتارىنىڭ جانە ادام قۇقىقتارى جونىندەگى ۋاكىلدىڭ مارتەبەسى كوتەرىلدى. سونداي-اق كونستيتۋتسيالىق سوت قۇرىلدى. بۇل مەكەمە قازىر ەلىمىزدە زاڭ ۇستەمدىگىن ورنىقتىرۋعا بارىنشا ىقپال ەتىپ وتىر». مەملەكەت باسشىسى قاسىم-جومارت توقاەۆ
پرەزيدەنت كونستيتۋتسيانىڭ ءادىل ءارى بەرەكەلى قوعامنىڭ تىرەگى سانالاتىن زاڭ مەن ءتارتىپتى قامتاماسىز ەتۋ جولىنداعى ءرولى نىعايا تۇسكەنىن دە باسا اتاپ ءوتتى.
