Qasym-Jomart Toqaev Qazaqstan halqyn Konstıtýııa kúnimen quttyqtady

Foto: Aqorda

30 tamyzda Memleket basshysy Qasym-Jomart Toqaev Qazaqstan halqyn Konstıtýııa kúnimen quttyqtady, dep habarlaıdy qandastar.kz

Prezıdent barshany Konstıtýııa kúnimen quttyqtaı kele, Ata zań memlekettiligimizdiń berik tuǵyry, elimizdiń dáıekti ári turaqty damýynyń myzǵymas kepili ekenin basa atap ótti.

«Memleket pen qoǵam ómiriniń negizin aıqyndaıtyn Konstıtýııada azamattardyń múddesine, quqyǵy men bostandyǵyna aıryqsha nazar aýdarylǵan. Sondyqtan Qazaqstanda júzege asyrylyp jatqan barlyq aýqymdy ózgeristiń maqsaty – halyqtyń ál-aýqatyn jaqsartý. 2022 jylǵy konstıtýııalyq reformanyń nátıjesinde jan-jaqty demokratııalandyrý úderisi bastaldy, saıası júıeni jańǵyrtýǵa jaǵdaı jasaldy. Quqyq qorǵaý ınstıtýttarynyń jáne Adam quqyqtary jónindegi ýákildiń mártebesi kóterildi. Sondaı-aq Konstıtýııalyq Sot quryldy. Bul mekeme qazir elimizde zań ústemdigin ornyqtyrýǵa barynsha yqpal etip otyr». Memleket basshysy Qasym-Jomart Toqaev

Prezıdent Konstıtýııanyń ádil ári berekeli qoǵamnyń tiregi sanalatyn zań men tártipti qamtamasyz etý jolyndaǵy róli nyǵaıa túskenin de basa atap ótti.