قاسىم-جومارت توقاەۆ سينگاپۋردە عوي ءالى. بۇگىن يۋسوف يسحاك ينستيتۋتىندا لەكتسيا وقىعانىن بىلەسىزدەر. سوندا قازاقستاننىڭ بەيتاراپ ۇستانىمىن سىنايتىندارعا جاۋاپ بەردى.

«كەيدە ءبىزدىڭ ۇستانىمىمىزعا كۇمانمەن قارايدى, بەيتاراپتىعىمىز ءۇشىن سىنايدى. بىراق مۇنى ءوز كوزقاراسى, سەنىمى جوق دەپ قابىلداماعان ءجون. كەرىسىنشە, ونى قاقتىعىس پەن ماجبۇرلىكتىڭ ورنىنا سانالى تۇردە ديپلوماتيا مەن ديالوگتى تاڭداۋ دەپ تۇسىنگەن ابزال. بۇل تاڭداۋ – تەرريتوريالىق داۋلاردان باستاپ يدەولوگيالىق قاقتىعىستارعا دەيىنگى ءتۇرلى قايشىلىقتاردى ەڭسەرۋگە سەپتىگىمىزدى تيگىزۋگە مۇمكىندىك بەرەتىن ءبىزدىڭ مىقتى قىرىمىز», – دەدى پرەزيدەنت.