الەم جاڭالىقتارى
قاسىم-جومارت توقاەۆ سينحۋا اگەنتتىگىنە كولەمدى سۇحبات بەردى
2-4 شىلدە ارالىعىندا قحر توراعاسى سي تسزينپين استانادا وتەتىن شىۇ-عا مۇشە مەملەكەتتەر باسشىلارى كەڭەسىنىڭ 24-ءشى وتىرىسىنا قاتىسادى, سونداي-اق قازاقستان پرەزيدەنتى قاسىم-جومارت توقاەۆتىڭ شاقىرۋىمەن قازاقستانعا مەملەكەتتىك ساپارمەن كەلەدى.
NEGE. ساپار قارساڭىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ سينحۋا اگەنتتىگىنە جازباشا سۇحبات بەردى.
«ارينە, جەكە بايلانىستاردى دامىتۋ ىنتىماقتاستىعىمىزدى تەرەڭدەتۋگە جانە ەكى مەملەكەت اراسىنداعى قارىم-قاتىناستا جاڭا كوكجيەكتەردى اشۋعا ماڭىزدى سەرپىن بەرەدى. وسى جىلدار ىشىندە ارامىزدا قالىپتاسقان شىنايى دوستىق جانە سەنىمدى قارىم-قاتىناستار جاڭا ۇلى ماقساتتارعا قول جەتكىزۋگە ىقپال ەتەدى. قۇرمەتتى توراعا سي تسزينپينمەن كەزدەسۋلەرىمىزدى ەرەكشە جىلىلىقپەن ەسكە الامىن», — دەدى مەملەكەت باسشىسى.
«سينحۋا» اگەنتتىگىنە بەرگەن سۇحباتىندا مەملەكەت باسشىسى ءبىلىم بەرۋ جۇيەسىندە ناقتى ناتيجەلەرگە قول جەتكىزۋگە باعىتتالعان پراگماتيكالىق كوزقاراسقا ەرەكشە قىزىعۋشىلىقتى اتاپ ءوتتى. سونداي-اق ول قىتاي تىلىنە قاتىستى پىكىر ءبىلدىردى.
«الەمدەگى جانە قىتايدىڭ وزىندەگى دە تەز وزگەرىپ جاتقان تەندەنتسيالاردى ەسكەرە وتىرىپ, مەن تىلدىك داعدىلارىمدى ساقتاۋ ءۇشىن, سونداي-اق قىتايدىڭ ساياسي جانە الەۋمەتتىك-ەكونوميكالىق دامۋىنداعى سوڭعى تەندەنتسيالاردان حاباردار بولۋ ءۇشىن ۇنەمى قىتاي تىلىندە كىتاپتار وقيمىن», — دەدى توقاەۆ.
