كاتارداعى مۇراجايدا مۇراعات تۋرالى قازاق تىلىندە بىلۋگە بولادى

قاتاردىڭ ۇلتتىق مۇراجايىنا بارعاندار ونداعى مۇراعاتتار تۋرالى قازاق تىلىندە ماعلۇمات الا الادى. بۇل قىزمەت وتكەن جىلى ىسكە قوسىلدى. سونداي-اق بىلتىر ەكى ەلدىڭ عىلىم جانە جوعارعى ءبىلىم مينيسترلەرى كەزدەسىپ, ۋنيۆەرسيتەتتەر اراcىنا ارىپتەستىك ورناعان. قازاقستان مەن كاتار اراسىنداعى رۋحاني سالاداعى وڭ باستامالار جاسالا بەرەدى. ويتكەنى ەكى ەلگە ورتاق قۇندىلىقتار, مادەنيەتكە مايەك بولار نەگىز بار. مادەني مۇرا مەن تاريح ۇلتتىڭ بولمىسىن قالىپتاستىرۋدا ماڭىزدى ءرول اتقارىپ وتىر. قازاقستان مەن كاتار وتكەن مەن بۇگىننىڭ بايلانىسىن نىعايتىپ, بولاشاقتىڭ نەگىزى بولار رۋحاني دا مادەني قۇندىلىقتارعا باسا ءمان بەرىپ كەلەدى. ۇرپاقتان ۇرپاققا جەتكەن سالت-ءداستۇر, مادەنيەت, ادەت-عۇرىپتاعى ۇقساستىقتاردىڭ تۇپنەگىزى وسىندا. اريان حادي, اعاش شەبەرى: — مىنە قاراڭىز, مەن قازىر دوۋ قايىعىنىڭ نەگىزىن قاشاپ جاتىرمىن. بۇل ارينە كادەسىي, بىراق قولدان جاسالعان بۇيىم. اعاشپەن جۇمىس ىستەۋدى ماعان كەزىندە اكەم ۇيرەتتى. جيىرما جىلدان بەرى وسى كاسىپتى جالعاستىرىپ كەلەمىن. بۇل جەردە اتالارىمىز جيناعان جادىگەرلەر بار. اريان شەبەردىڭ قولىنان شىققان بۇيىمدار اراسىنان بەرەن مىلتىق, سىرلانعان ساندىق, ەسكى كەبەجەنى كورىپ تامساندىق. باداۋيلەر ۇرپاعى قولدانىسقا قولايلى بولعان جيھازدى بۇگىنگى تۇرمىسىندا دا جاراتادى. كاتارلىق نەما فارادج بولسا ءشاي ساتۋشى. ءجاي ساتۋشى ەمەس, ول 75 جىلدىق تاريحى بار اتا كاسىپتى جالعاپ وتىر. نەما فارادج, دوحا تۇرعىنى: – مەن بۇل ءداستۇردى ماقتان تۇتامىن. اتامنان مەنىڭ بالاما جەتەتىن كاسىپ. وسى جەردە وتىرسام دا كوپ ەلمەن تانىسپىن. ءسىزدىڭ ەلدى جاقسى بىلەمىن. قازاقتار كاتارلىقتار سياقتى ءسۇتتى شايدى جاقسى كورەدى. قوناعىنا قۇرمەتى زور قازاقى قوناقجايلىلىق كاتارلىق جۇرتقا دا ءتان قاسيەت. جىلى شىراي تانىتىپ, جومارت داستارحان جايۋ قاتار حالقى ءۇشىن ىزگى ءداستۇر سانالادى. دامەت قالمۇرزاەۆا, قازاقستاندىق تۋريست: — قوناقجايلىلىعى دا بىزگە ۇقسايدى ەكەن, وتە تاماشا, كەرەمەت. شىمكەنت قالاسىنان كەلدىك. نەمەرەمىزبەن وسى دوحا قالاسىنا دەمالۋعا كەلدىك. وتە ۇنادى. ەلمەن ارالاسقان جاقسى, ينۆەستيتسيا سالامىن دەسە ءتىپتى جاقسى. پرەزيدەنتىمىزدىڭ كەلىپ, ارالاسۋىنا مەن وتە ىرزامىن. ءار ەلدىڭ مادەنيەتىمەن تانىسامىز. وسىنداي ەلمەن قاتىناس جاسايمىز. قازاقستان مەن كاتار ءارتۇرلى مادەنيەت, ءار الۋان ءدىن مەن ءداستۇردى ۇستاناتىن حالىقتاردى ۇيلەستىرە العان ەل. وسىلايشا الەمگە تولەرانتتىلىق قۇندىلىقتارىن پاش ەتەتىن ەكى تاراپ ءوزارا تۇسىنىستىكتى ءھام مادەني ارىپتەستىكتى تەرەڭدەتە تۇسپەك.