KATARDAǴY MURAJAIDA MURAǴAT TÝRALY QAZAQ TILINDE BILÝGE BOLADY

Qatardyń ulttyq murajaıyna barǵandar ondaǵy muraǵattar týraly qazaq tilinde maǵlumat ala alady. Bul qyzmet ótken jyly iske qosyldy. Sondaı-aq byltyr eki eldiń ǵylym jáne joǵarǵy bilim mınıstrleri kezdesip, ýnıversıtetter aracyna áriptestik ornaǵan. Qazaqstan men Katar arasyndaǵy rýhanı saladaǵy oń bastamalar jasala beredi. О́ıtkeni eki elge ortaq qundylyqtar, mádenıetke máıek bolar negiz bar. Mádenı mura men tarıh ulttyń bolmysyn qalyptastyrýda mańyzdy ról atqaryp otyr. Qazaqstan men Katar ótken men búginniń baılanysyn nyǵaıtyp, bolashaqtyń negizi bolar rýhanı da mádenı qundylyqtarǵa basa mán berip keledi. Urpaqtan urpaqqa jetken salt-dástúr, mádenıet, ádet-ǵuryptaǵy uqsastyqtardyń túpnegizi osynda. Arıan Hadı, aǵash sheberi: — Mine qarańyz, men qazir doý qaıyǵynyń negizin qashap jatyrmyn. Bul árıne kádesyı, biraq qoldan jasalǵan buıym. Aǵashpen jumys isteýdi maǵan kezinde ákem úıretti. Jıyrma jyldan beri osy kásipti jalǵastyryp kelemin. Bul jerde atalarymyz jınaǵan jádigerler bar. Arıan sheberdiń qolynan shyqqan buıymdar arasynan beren myltyq, syrlanǵan sandyq, eski kebejeni kórip tamsandyq. Bádáýıler urpaǵy qoldanysqa qolaıly bolǵan jıhazdy búgingi turmysynda da jaratady. Katarlyq Nema Faradj bolsa sháı satýshy. Jáı satýshy emes, ol 75 jyldyq tarıhy bar ata kásipti jalǵap otyr. Nema Faradj, Doha turǵyny: – Men bul dástúrdi maqtan tutamyn. Atamnan meniń balama jetetin kásip. Osy jerde otyrsam da kóp elmen tanyspyn. Sizdiń eldi jaqsy bilemin. Qazaqtar katarlyqtar sııaqty sútti shaıdy jaqsy kóredi. Qonaǵyna qurmeti zor qazaqy qonaqjaılylyq katarlyq jurtqa da tán qasıet. Jyly shyraı tanytyp, jomart dastarhan jaıý qatar halqy úshin izgi dástúr sanalady. Dámet Qalmurzaeva, qazaqstandyq týrıst: — Qonaqjaılylyǵy da bizge uqsaıdy eken, óte tamasha, keremet. Shymkent qalasynan keldik. Nemeremizben osy Doha qalasyna demalýǵa keldik. О́te unady. Elmen aralasqan jaqsy, ınvestıııa salamyn dese tipti jaqsy. Prezıdentimizdiń kelip, aralasýyna men óte yrzamyn. Ár eldiń mádenıetimen tanysamyz. Osyndaı elmen qatynas jasaımyz. Qazaqstan men Katar ártúrli mádenıet, ár alýan din men dástúrdi ustanatyn halyqtardy úılestire alǵan el. Osylaısha álemge toleranttylyq qundylyqtaryn pash etetin eki tarap ózara túsinistikti hám mádenı áriptestikti tereńdete túspek.