Álem jańalyqtary
Qate qoıylǵan dıagnoz saldarynan 3 jasar qyz kóz jumdy
Ulybrıtanııanyń Reılı qalasyndaǵy Esseks grafstvosynda dárigerler 3 jasar balaǵa qate dıagnoz qoıyp, onyń ólimine sebepshi boldy, dep jazdy Daily Mirror basylymy.
Aoıfa Flanagan-Djıbb (Aoife Flanagan-Gibb) maýsym aıynan beri ishiniń aýyratynyna shaǵymdanyp kelgen. Onyń anasy Eılısh Flanagan (Eilish Flanagan) 3 apta boıy qyzyn dárigerge 11 ret aparǵan. Alaıda dárigerler bolsa, 3 apta boıy qyzdyń ishi qatyp júrgenin aıtyp, úıine qaıtaryp jiberip otyrǵan.
«Men qyzymnyń jaǵdaıy jaqsy emes ekenin sezdim. Sebebi, ol denesiniń ár jeri aýyrsynatynyn aıtyp jylaıtyn. Qyzymnyń shaǵymdaryn aıtsam da, dárigerler balamdy birde-bir ret qarap teksermedi», – dep túsindirdi qyzdyń anasy.
Qyzdyń jaǵdaıy nasharlaı túsedi. Dárigerler naýqas qyzdy qarap tekserý barysynda germınogendi isikti anyqtaıdy.
«Onyń baýyrynda úlken isik boldy. Ol úlkeıgen saıyn ishekti yǵystyryp, onyń durys jumys isteýine kedergi keltirgen. Biz qyzymyzdyń jaǵdaıy nashar ekenin túsindik», – dedi Flanagan.
Dárigerler eshqandaı em qyzdyń ómirin saqtap qalmaıtynyn, aýrýdyń asqynyp ketkenin eskertti.
«Bári kesh boldy. Olar bizge aýrýmen kúresýge múmkindik bermedi», – dedi Eılısh Flanagan.
7 shildede Aoıfa aýrýhanada anasynyń qushaǵynda jatqan kúıi kóz jumdy. Qyzdyń júregi toqtap qaldy.
Qaıǵy jutqan ana Ulybrıtanııada alǵash ret germınogendi isikke qarsy kúresti nasıhattaıtyn qaıyrymdylyq uıym qurýdy josparlap otyr. Onyń maqsaty – adamdarǵa aýrýdyń belgilerin, onyń erte dıagnostıkasyn, sırek kezdesetin qaýipti aýrýdyń qandaı saldarlary bolatynyn aıtyp jetkizý .
Derekkóz: BAQ.KZ
