قاۋىپسىزدىك كەڭەسىنىڭ شۇعىل وتىرىسى: توقاەۆ قاۋىپسىزدىك شارالارىن كۇشەيتۋ بويىنشا بىرقاتار تاپسىرما بەردى

مەملەكەت باسشىسى قاۋىپسىزدىك كەڭەسىنىڭ شۇعىل وتىرىسىن وتكىزدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
پرەزيدەنت قاسىم-جومارت توقاەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ شۇعىل وتىرىسى ءوتتى. جيىندا ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ, ىشكى ىستەر ءمينيسترى ەرجان سادەنوۆ جانە باس پروكۋرور بەرىك اسىلوۆ قازىرگى حالىقارالىق جاعدايدى ەسكەرە وتىرىپ, ەكسترەميزم مەن تەرروريزمگە قارسى ارەكەت ەتۋدىڭ وزەكتى ماسەلەلەرى جونىندە باياندادى. وتىرىس بارىسىندا قۇقىق قورعاۋ جانە ارنايى ورگاندار قىزمەتىنىڭ تەرروريزمگە قارسى كۇرەستى كۇشەيتۋ بويىنشا ءتۇرلى اسپەكتىلەرى قاراستىرىلدى. مەملەكەت باسشىسى ەل ازاماتتارىنىڭ قاۋىپسىزدىگىن قامتاماسىز ەتۋ شارالارىن ارتتىرۋعا باعىتتالعان بىرقاتار ناقتى تاپسىرما بەردى.