«Kazah bez pontov – bespontovyı kazah»: Arshavın dosyna ádeıi tıise sóıledi

Foto: ashyq derekkóz

«Zenıt» fýtbol klýbynyń YouTube arnasy «Qaırattyń» burynǵy oıynshysy Andreı Arshavın men Qazaqstan quramasynyń qorǵaýshysy Nuraly Áliptiń qatysýymen podkast jarııalady, – dep habarlaıdy qandastar.kz politico.kz-ke silteme jasap.

Áńgime barysynda fýtbolshylar qyzyqty taqyryptardy qozǵady. Sonyń ishinde áńgime aýany qazaqy stereotıpke oıysqan edi. Sol sátte Arshavın áńgimesin Áliptiń kóligi týraly pikirinen bastady.

Sende «blatnoı» nómirler bar, kóligińniń túsi ánsheıin… Soǵan qarap, «Bul kim bolýy múmkin?» dep oıladym. Keıin meıramhanaǵa kirip, seni kórgende, birden «Ee, bul – Qazaqstannyń balalary!» dedim ǵoı, – deıdi Andreı Arshavın.

Sondaı-aq ol Nuraly Álipten «Kazah bez pontov – bespontovyı kazah» degen stereotıptiń ózine qatysynyń bar-joqtyǵyn surady. Qazaqstandyq fýtbolshy jaýabyn qysqa qaıyrdy.

Iá, báribir men maqtanshaq qazaqpyn, – dep jyly jymııa saldy ol.