الەم جاڭالىقتارى
قازاق-وزبەك شەكاراسىندا مۇناي تاسىمالدانعان تۋننەل جويىلدى
فوتو:باس پروكۋراتۋرا
تۇركىستان وبلىسىندا مۇناي ونىمدەرىن كونتراباندالاۋعا ارنالعان تۋننەل جويىلدى, دەپ جازدى qandastar.kz
ءبىر توپ كۇدىكتى قازاق-وزبەك شەكاراسىندا ۇزىندىعى 450 مەترلىك تۋننەل سالعان. وسى تۋننەل ارقىلى كۇن سايىن كولەمى 5-7 توننا جانار-جاعارماي ماتەريالدارىن كونتراباندالىق جولمەن شىعارىپ, زاڭسىز ارەكەتتەرى شامامەن ەكى ايعا سوزىلعان.
ارنايى شارالارمەن قىلمىستىق توپتىڭ بارلىق مۇشەلەرى, ونىڭ ىشىندە وزبەكستان ازاماتتارى دا بەلگىلى بولدى.
ماعىنالاس ءىس-شارالار وزبەكستاننىڭ قۇقىق قورعاۋ ورگاندارى مەملەكەتتىك شەكارانىڭ ماڭىنداعى ايماعىندا وتكىزدى.
سونىمەن قاتار, كورشى مەملەكەتتەن ەكسپورتتالعان جانارمايدىڭ اقشا اۋدارۋ سحەماسى انىقتالدى.
ترانسۇلتتىق قىلمىستىق توپتىڭ مۇشەلەرى قازاقستان اۋماعىندا دا, وزبەكستان اۋماعىندا دا ۇستالدى.
قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلۋدە.
