Kazakhstan Growth Forum nusqasy: Mıhaıl Lomtadze taǵy da úzdik CEO atandy

Sýret: Kaspi.kz

19 qyrkúıekte dástúrli Kazakhstan Growth Forum-da jyldyń úzdik menedjerleriniń esimderi jarııalandy, dep habarlaıdy qandastar.kz.

Kaspi.kz basshysy jáne negizin qalaýshylardyń biri Mıhaıl Lomtadze altynshy ret «Jyldyń úzdik CEO-sy» atandy.

«Qazylar alqasyna joǵary baǵa bergeni úshin alǵys aıtamyz. Bul búkil ujymnyń jankeshti eńbeginiń nátıjesi. Biz zamanaýı qyzmettermen adamdardyń ómirin jaqsartýǵa umtylamyz jáne Qazaqstanda turyp, jumys istep jatqanymyzdy maqtan tutamyz. Biz qazaqstandyqtardy ary qaraı da jańa zamanaýı ıfrlyq qyzmettermen tań qaldyrýǵa jáne qýantýǵa tyrysamyz. Súıikti klıentterimiz ben seriktesterimizge senimderi men qoldaýlary úshin, al memlekettik organdarǵa eldiń ıfrlyq damýy úshin qolaıly jaǵdaı jasaǵany úshin alǵys aıtamyz», – delingen Kaspi.kz habarlamasynda.

Jyl saıyn úzdik jetekshilerdi Kazakhstan Growth Forum-nyń saraptamalyq keńesi anyqtaıdy. Onyń quramyna: Eldar Ábdirazaqov, (Kazakhstan Growth Forum), Marjan Melanıch (Kazakhstan Growth Forum), Sáken Jumashev (KPMG), Elena Bahmýtova (Qazaqstan qarjygerleri qaýymdastyǵynyń keńesi), Erlan Dosymbekov (EY), Ekaterına Bendjamın (IFC), Dana Ińkárbekova (PwC), Dına Ýstaeva (Qazaq táýelsiz dırektorlary), Dýlatbek Yqbaev (McKinsey&Company), Oraz Jandosov (RAKURS), Erjan Dosymbekov (Grant Tornton), Alına Aldambergen (KASE), Andreı Beklemıshev (IDC) kiredi.

Jeńimpazdar jyl saıyn ekonomıkanyń túrli salalarynda usynylǵan 500 úzdik qazaqstandyq kompanııanyń arasynan tańdalady.