قازاقستان بال جەتكىزۋشى ۇزدىك 100 ەلدىڭ قاتارىنا ەندى اسال

قارجى مينيسترلىگى مەملەكەتتىك كىرىستەر كوميتەتىنىڭ دەرەكتەرى بويىنشا, وتكەن جىلى ەلىمىز جالپى سوماسى 406,2 مىڭ دوللارعا (182,8 ملن تەڭگە) 222,7 توننا بال ەكسپورتتادى.

قازاقستاننان بال ەكسپورتى

قازاقستاندىق تابيعي بالدى ءىرى كولەمدە ساتىپ الۋشى ەلدەر قاتارىندا وزبەكستان, قىتاي, ساۋد ارابياسى جانە گەرمانيا بار.

2023 جىلى وزبەكستان قازاقستاننان جالپى سوماسى 112,2 مىڭ دوللارعا (50,5 ملن تەڭگە) 111 توننا, قىتاي – 176,6 مىڭ دوللارعا (79,5 ملن تەڭگە) 45,7 توننا, ساۋد ارابياسى – 44,4 مىڭ دوللارعا (20 ملن تەڭگەگە جۋىق) 22,2 توننا, گەرمانيا – 23,8 مىڭ دوللارعا 21 توننا بال ساتىپ العان (10,7 ملن تەڭگە).

سونىمەن قاتار, بىلتىر تابيعي بال ەكسپورتى كورسەتكىشىنە سۇيەنسەك, قازاقستان باسقا ەلدەرگە جالپى سوماسى 153,1 مىڭ دوللارعا (68,9 ملن تەڭگە) 58,3 توننا بال جەتكىزگەن. بۇل 2022 جىلمەن سالىستىرعاندا 3,5 ەسە جوعارى.

ايتا كەتەيىك, 2022 جىل جالپى العاندا بال ەكسپورتىنىڭ تومەندەۋىمەن ەرەكشەلەنەدى. 2017-2021 جىلدار ارالىعىندا بالدى شەت مەملەكەتتەرگە شىعارۋدىڭ تۇراقتى ءوسۋى بايقالدى. ەگەر 2017 جىلى قازاقستان جالپى سوماسى 220,8 مىڭ دوللارعا (99,3 ملن تەڭگە) 87,3 مىڭ توننا بال ەكسپورتتاسا, 2021 جىلى اتالعان كورسەتكىش 328,5 مىڭ دوللارعا جەتىپ, (147,8 ملن تەڭگە) 235 توننانى قۇرادى.

الەمدەگى ەڭ ءىرى بال جەتكىزۋشى ەلدەر

Resource Trade اگەنتتىگىنىڭ مالىمەتىنشە, قازاقستان الەمدەگى ەڭ ءىرى توپ-100 بال جەتكىزۋشى ەل قاتارىنا ەندى. 2020 جىلى وسى ءونىمنىڭ ەكسپورتى جالپى سوماسى 520 مىڭ دوللارعا جەتكەن, (234 ملن تەڭگەگە جۋىق) 195,5 توننانى قۇرادى. بۇل بال ەكسپورتىنداعى تابىس دەڭگەيى بويىنشا الەمدەگى 73 كورسەتكىش.

ءىرى كولەمدە بال جەتكىزۋشى ەلدەر قاتارىندا جاڭا زەلانديا (جالپى سوماسى 333,3 ملن دوللارعا 16,5 مىڭ توننا), قىتاي (127 مىڭ توننا, 229,6 ملن دوللار) جانە ارگەنتينا (72,9 مىڭ توننا, 179,6 ملن دوللار) بولدى. ەاەو ەلدەرىنە كەلەتىن بولساق, 2020 جىلى رەسەي جالپى سوماسى 4,7 ملن دوللارعا 2,3 مىڭ توننا بال, قىرعىزستان 2 ملن دوللارعا 451,5 توننا, بەلارۋس 460 مىڭ دوللارعا 104,7 توننا, ارمەنيا 140 مىڭ دوللارعا 20,8 توننا بال جەتكىزدى. بۇل سايكەسىنشە الەمدەگى 40, 51, 75 جانە 87 كورسەتكىش.