Qazaqstan bıyl óz zymyranyn ǵaryshqa ushyrmaq

Foto: Egemen Qazaqstan

Qazaqstan bıyl óz zymyranyn ǵaryshqa ushyrmaq. Qazir ol úshin qarjy bólinip, aılaq daıyndalyp jatyr. Al aldaǵy 5-10 jylda tórtinshi qazaq ǵaryshqa sapar shegýi múmkin, dep habarlaıdy qandastar.kz aqparat portaly.

Baıqońyrdan 73-uzaq merzimdi ekspedıııa ǵaryshqa attandy. Zymyran tasyǵysh áýege kóterilgennen keıin 9 mınýt ótken soń orbıtaǵa shyqty. Ekıpaj músheleri halyqaralyq ǵarysh stansasynda 50-ge jýyq ǵylymı tájirıbe júrgizip, 9 jeltoqsanda jerge oralmaq.

Bıyl — Baıqońyr ǵarysh aılaǵynyń resmı túrde qurylǵanyna 70 jyl. 78 jastaǵy Nurtileý Salyqov bala kúninen mundaǵy tirshilikke qanyq. Keıinnen ózi sonda jumysqa ornalasyp, kóptegen ushyrylymǵa kýá bolǵan. Aıtýynsha, bul jerdiń ǵarysh aılaǵy retinde tańdalýy tegin emes.

«Atamyz qazaq budan birneshe ǵasyr buryn buny «jer kindik» dep ataǵan. Sol qazirgi jer kindik Gagarınskıı start, ushý alańyna aınalyp otyr», — deıdi ol.

Bıyl Ulttyq ǵarysh ortalyǵynda zymyran tasyǵysh jasaý jumysy bastalady. Bul eldiń astronavtıkada ózin shyndap tanytýyna múmkindik beredi, deıdi mamandar. Otandyq stanııadan alǵashqy ushyrylym bıylǵa josparlanǵan.

«Bizde «Ǵaryshqa táýelsiz qol jetkizý» degen bastama bar. Bizdiń ǵylymı jumysymyz 2021 jyldan beri júrgizilip keledi. Bul tehnologııany ıgerýge myqty hımıkter men fızıkterdi jınadyq. Bıyl shaǵyn meteorıttik zymyran jasap, osy tehnologııany meńgerýdi josparlap otyrmyz», — deıdi Qazaqstan aeroǵarysh komıtetiniń tóraǵasy Baýbek Oralmaǵambetov.

Baıqońyr ǵarysh aılaǵy álemge ǵylymı-tehnıkalyq progreske, al adamzatqa ǵaryshqa jol ashty. Ǵarysh dáýiri bastaý alǵan alańnan bıyl 10-ǵa jýyq zymyran ushyrý josparlanǵan. Soǵan saı juldyzdy qalashyqqa 20 myńǵa jýyq týrıst keledi dep boljanyp otyr.