قازاقستان ەلشىسى موڭعولياداعى قازاق دياسپوراسىمەن كەزدەستى

كەزدەسۋ بارىسىندا ەلشى قازاقستاننىڭ قازىرگى ساياسي جانە ەكونوميكالىق جاعدايىن ءتۇسىندىرىپ, سۇحباتتاستارىن قر پرەزيدەنتى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا كورسەتىلگەن ەلدىڭ ودان ءارى دامۋ ماقساتتارى مەن مىندەتتەرى, قر تۇڭعىش پرەزيدەنتى – ەلباسى نۇرسۇلتان نازارباەۆتىڭ جاھاندىق باستامالارىمەن تانىستىردى.

سونىمەن قاتار, ەلشى موڭعوليانىڭ پرەمەر-ءمينيسترى ۋحنااگين حۇرەلسۇحتىڭ قازاقستانعا جاساعان رەسمي ساپارىنىڭ  قورىتىندىسىنا توقتالىپ, ساپار بارىسىندا ساۋدا-ەكونوميكالىق, كولىكتىك-ترانزيتتىك, اۋىل شارۋاشىلىق, تاۋ-كەن ءوندىرىسى جانە مادەني-گۋمانيتارلىق سالالارىنداعى ىنتىماقتاستىقتى ودان ءارى دامىتۋ ماسەلەلەرى تالقىلانعانىن ايتتى.

ج.ادىلباەۆ قازاق دياسپوراسىن 2020 جىلى ابايدىڭ 175 جىلدىق, ءابۋ ناسىر ءال-ءفارابيدىڭ 1150 جىلدىق جانە التىن وردانىڭ 750 جىلدىق مەرەيتويلارىنا ارنالاتىن ءىس-شارالارعا بەلسەندى قاتىسۋعا شاقىردى.

«رۋحاني جاڭعىرۋ» باعدارلاماسى شەڭبەرىندە ج.ادىلباەۆ بايان-ولگي ايماعىنىڭ  بىرقاتار ورتا مەكتەپتەرىنە بارىپ, شەتەلدەگى ەتنيكالىق قازاقتاردى قولداۋ ماقساتىندا قر ۇكىمەتى جىبەرگەن وقۋلىقتار مەن وقۋ قۇرالدارىن سالتاناتتى تۇردە تابىس ەتتى. ەلشى ولگي قالاسى قازاقستاننىڭ مادەنيەتى جانە ادەبيەتى ورتالىعىنىڭ قىزمەتىمەن تانىسىپ, ورتالىقتىڭ قورىنا قازاقستاندىق جازۋشىلار مەن اقىنداردىڭ قازاق جانە اعىلشىن تىلدەرىندەگى كىتاپتارىن سىيعا تارتتى, سونداي-اق جەرگىلىكتى باسقارۋشى ورگاندارىنىڭ وكىلدەرىمەن موڭعوليادا اباي ورتالىعىن اشۋ ماسەلەسىن تالقىلادى.

ساپار بارىسىندا ديپلوماتيالىق وكىلدىتىڭ باسشىسى «قازاقستان» قالاشىعىنداعى وبەكتىلەرىنىڭ قۇرىلىس جۇمىستارىمەن تانىستى.