جاڭالىقتار
قازاقستان حالقى فۋتبولدان 30 جىلدان بەرى زارداپ شەگىپ كەلەدى — قۋات حاميتوۆ
فوتو:ينستاگرام
قازاق فۋتبولىنىڭ باستى حەيتەرى قۋات حاميتوۆ ۋەلستەن جەڭىلگەننەن كەيىن باس باپكەردىڭ مىندەتىن اتقارۋشى ءالي اليەۆتىڭ ءباسپاسوز جيىنىندا ايتقان پىكىرىنە قارسى شىقتى, دەپ حابارلايدى qandastar.kz اقپارات پورتالى 1bol.kz-كە سىلتەپ.
«بۇگىن جەڭىلگەنىڭمەن, ەرتەڭ قايتا ويناعاندا باسىم تۇسۋگە بولادى. ويتكەنى بۇل جوعالتقان اقشاڭدى قايتارا المايتىن بيزنەس ەمەس. بۇل — فۋتبول. كەلەسى ويىندا جەڭىسكە جەتۋ قاجەت, سوندا مورالدىق جانە ەموتسيونالدىق جاعدايدى قالپىنا كەلتىرە الامىز», — دەدى ءالي اليەۆ ءباسپاسوز ماجىلىسىندە.
ال الەۋمەتتىك جەلىلەردىڭ بىرىندەگى پابليكتە مما شەبەرى قۋات حاميتوۆ بۇل پىكىرمەن كەلىسپەيتىنىن ايتتى.
«فۋتبول كەرسىنشە بيزنەس. سول فۋتبول اتتى بيزنەستەن قازاقستان حالقى 30 جىلدان بەرى زارداپ شەگىپ كەلەدى», — دەيدى سپورتشى.
ەسكە سالايىق, قازاقستان قۇراماسى 2026 جىلعى الەم چەمپيوناتىنىڭ ىرىكتەۋ تۋرنيرىندەگى ەكىنشى ماتچىن ناۋرىزدىڭ 25-ىنەن 26 قاراعان ءتۇنى ۆادۋتستا ليحتەنشتەينمەن وتكىزەدى.
