Qazaqstan mektepterinde stomatologııalyq kabınet ashylýy múmkin

Foto: istockphoto.com

Densaýlyq saqtaý mınıstri Aqmaral Álnazarova men oqý-aǵartý mınıstri Ǵanı Beısembaev Astanadaǵy №95 mektepte bolyp, oqýshylarǵa qatysty birqatar máseleni talqylady, – dep habarlaıdy qandastar.kz turkystan.kz-ke silteme jasap.

«Oqýshy sany 1000 baladan asatyn mektepterde stomatologııalyq kabınet ashý máselesi talqylandy. Búginde 6 óńirde 98 kabınet jumys istep tur. Onda dantıster qabyldaý júrgizedi. Ári qaraı «Saý tispen bolashaqqa» jobasynyń aıasynda kezeń-kezeńmen mektep jasyndaǵy barlyq balany qamtý josparlanyp otyr», – delingen baspasóz habarlamasynda.

Balalarǵa, ásirese ótpeli kezeńde psıhologııalyq kómek kórsetý máselesi talqylandy. Mektep psıhologtaryna arnap oqytý kýrstaryn ótkizý týraly sheshim qabyldandy.