Qazaqstan men Qytaı arasyndaǵy saýda aınalymy 30 jylda 100 ese ósken

Foto: Aqorda

Prezıdent Qasym-Jomart Toqaev Qytaı Halyq Respýblıkasynyń tóraǵasy Sı zınpınniń Qazaqstandaǵy sapary qarsańynda SINHÝA agenttigine bergen suhbatynda Qytaıdaǵy stýdenttik shaǵyn jyly lebizben eske aldy, dep habarlaıdy Azattyq Rýhy «QazAqparat»-qa silteme jasap.

«Qytaı Halyq Respýblıkasy saýda men ınvestıııa salasynda Qazaqstannyń jetekshi seriktesi retindegi ornyn saqtap otyr. 30 jyldan asatyn qarym-qatynastyń arqasynda qos eldiń arasyndaǵy saýda aınalymy 100 ese ósip, 2023 jyly 41 mlrd dollarǵa jetti. Bul tarıhı rekord bolyp esepteledi. О́tken jyldyń qorytyndysy boıynsha Qytaı Qazaqstandaǵy iri ınvestorlardyń alǵashqy tórttigine endi. 2023 jyly bul el 2 mlrd dollarǵa jýyq tikeleı ınvestıııa salǵan. Bul 2022 jyldyń kórsetkishinen 16,4 kóp. Jalpy Qazaqstan ekonomıkasyndaǵy Qytaı ınvestıııasynyń jıyntyq kólemi 25 mlrd dollardan asty», – dedi Memleket basshysy.

Búginde Qazaqstanda 4 700-deı qazaq-qytaı birlesken kásiporny jumys isteıdi.

«Budan bólek qarjy sektoryndaǵy birlesken qyzmetimizdiń aıasyn keńeıtpekshimiz. Ol úshin «Astana» halyqaralyq qarjy ortalyǵynyń múmkindikterin paıdalanamyz. Búginde bul ortalyqta 78 elden 2 800-ge jýyq sheteldik kompanııa tirkelgen. Onyń onnan bir bóligi Qytaıdan», – dedi Prezıdent.

Qasym-Jomart Toqaev Qytaı tarabynyń «Bir beldeý, bir jol» megajobasyn tutastaı qoldaıtynyn aıtty.

«Biz aldymyzǵa Qytaımen aradaǵy kópqyrly qarym-qatynasty ary qaraı tereńdetý baǵytynda órshil josparlar qoıyp otyrmyz. Oǵan qajetti alǵysharttar men jaǵdaıdyń bárin jasap jatyrmyz. О́zara yqpaldastyqtyń qazirgi joǵary qarqynyn eskersek, aradaǵy saýda aınalymyn 100 mlrd dollarǵa jetkizý tolyqtaı qol jetkizýge bolatyn meje», – dedi Memleket basshysy.