«Qazaqstan orystanyp barady deıdi, baıqaıynshy dep keldim»: Oralman qyz nege elge kelgenin aıtty

Foto: vıdeo skrın

TıkTok jelisinde Qazaqstanǵa qonys aýdarǵan oralman qyzdyń oıy kópti tebirentti, dep jazady qandastar.kz

«1993 jyly Pavlodarǵa kóshkenimde «Qaıdan keldiń, nege keldiń, nege Mońǵolııany tastadyń?» dep suraqtyń astyna alǵandar boldy. Sol suraqtar qoıylǵanda  atajurtyn ańsap alǵashqylardyń biri bolyp jetken jýrnalıst Beken Qaıratulynyń «Atamekenge nege keldim?»  óleńimen jaýap beretin edim.

Jan muńymdy aıtaıynshy dep keldim,

Qazaq kúıin tartaıynshy dep keldim.

Qazaqstan orystanyp barad deıdi,

Ras pa eken baıqaıynshy dep keldim.

Altyn Ordam kóreıinshi dep keldim,

Qolym ushyn bereıinshi dep keldim.

Shette týdym, shette óstim, aǵaıyn,

Dál ortańda óleıinshi dep keldim», — dedi oralman qyz.

Onyń aıtýynsha, osy óleń bar saýalǵa qalqan ispetti bolǵan.

Aıta keteıik, 2024 jylǵy jaǵdaı boıynsha 4 351 etnıkalyq qazaq tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mln 132,7 myń etnıkalyq qazaq oralǵan.Jyl basynan Qazaqstanǵa kelgen qandastardyń jartysy (51,1%) Qytaıdan, 31,9% – О́zbekstannan, 6,4% – Túrikmenstannan, 5,4% – Mońǵolııadan , 3,7% – Reseıden jáne 1,5% basqa elderden.