Qazaqstan suıytylǵan gaz ben bolat daıyndamalaryn eksporttaýǵa tyıymdy uzartty

Foto: Zakon.kz

Qazaqstanda suıytylǵan gaz ben bolat daıyndamalaryn syrtqa shyǵarýǵa qoıylǵan tyıym uzartyldy. Aqparat úkimette ótken syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııa otyrysynan keıin belgili boldy, dep habarlaıdy qandastar.kz Zakon.kz-ke silteme jasap.

Saýda jáne ıntegraııa mınıstrliginiń baspasóz qyzmeti málimdegendeı, buǵan deıin suıytylǵan munaı gazyn shekaralas elderge áketýdiń aldyn alý jáne ishki naryqta tapshylyqty boldyrmaý maqsatynda eksportqa tyıym salynǵan bolatyn.

Sonymen qatar, bolat daıyndamalary men jartylaı fabrıkattaryn syrtqa shyǵarýǵa qoıylǵan tyıym taǵy alty aıǵa uzartyldy. Saýda mınıstrligi munyń oń nátıjesi retinde metallýrgııa ónerkásibinde tereń óńdeýge bet burýdy jáne armatýra eksportynyń 30 myń tonnaǵa jýyq óskenin atap ótti.

Budan bólek, EAEO-ǵa kirmeıtin elderden Qazaqstanǵa gıpsokarton men tas ónimderin ákelýge úsh aıǵa tyıym salý usynysy qoldaý tapty.

«2024 jyly Qazaqstanda 95,2 myń tonna brýschatka óndirildi, al ishki suranys 58,76 myń tonnany qurady. Gıpsokarton óndirisi 35,5 mln sharshy metr boldy, al el ishindegi suranys 38,8 mln sharshy metrdi qurady. Qazaqstandyq kásiporyndardyń óndiristik qýaty – 46 mln sharshy metr. Otandyq gıpsokarton jáne tas buıymdaryn óndirýshiler osy ónimderdiń baǵasyn saqtaýǵa mindetteme aldy», — dep túsindirdi mınıstrlik.

Sonymen birge, Qytaıdan ákelinetin ystyqtaı deformaııalanǵan tigissiz qubyrlarǵa jáne Qytaı men Ýkraınadan jetkiziletin myryshtalǵan prokatqa qatysty dempıngke qarsy sharalar uzartylatyn boldy.

Qazaqstannan fanera eksportyn avtomatty lıenzııalaý engiziletini de maquldandy. Bul ishki fanera ónimderiniń eksport aǵyndaryn taldaýǵa múmkindik beredi.