«قازاقستان تەمىر جولى» 2,9 ترلن تەڭگە قارىزىن قالاي قايتارادى

ونىڭ ايتۋىنشا, كومپانيانىڭ بەرەشەگىن وتەۋدىڭ ەكى جولى بار – ءتاريفتى كوتەرۋ نەمەسە كاپيتالداندىرۋ ەسەبىنەن.

«2,9 ترلن تەڭگە – بۇل كومپانيانىڭ قارىزى. ونى تەك ەكى ادىسپەن قايتارۋعا بولادى. ءبىرىنشىسى – ءتاريفتى كوتەرۋ. سەبەبى بۇل اقشا جاڭا تەمىرجول قۇرىلىسىنا جۇمسالعان, بىراق ونىڭ ينۆەستيتسيالىق بولىگى تاريفكە قوسىلعان جوق. ەكىنشىسى – كاپيتالداندىرۋ ەسەبىنەن قايتارۋ. ەگەر مەملەكەت تومەن ءتاريفتى ۇستاپ تۇرعىسى كەلسە, وندا ول بىزگە مۇنى سۋبسيديالاۋى قاجەت نەمەسە ءتاريفتى كوتەرۋگە رۇقسات بەرۋى كەرەك, باسقا جول جوق», – دەپ ءتۇسىندىردى ساۋرانباەۆ سەنات كۋلۋارىندا.

ايتۋىنشا, قازىر قتج مۇنى ءترانزيتتى ۇلعايتۋ ەسەبىنەن وتەپ جاتىر.

ساۋرانباەۆ قتج تاريفتەرىنىڭ 80 پايىزى وزىندىك قۇنىنان تومەن ەكەنىن اتاپ ءوتتى.

ء«بىز كومىرشىلەردى دە, مەتاللۋرگتەردى دە قارجىلاندىرامىز. ءبىز بارلىعىن قارجىلاندىرىپ وتىرمىز. نەگە ولاي بولۋى كەرەك?», -دەيدى قتج باسشىسى.