Jańalyqtar
«Qazaqstan temir joly» 2,9 trln teńge qaryzyn qalaı qaıtarady
Qazaqstan temir joly» ulttyq kompanııasy 2,9 trln teńge qaryzyn tarıfti kóterý esebinen qaıtarýdy josparlap otyr. Bul týraly kompanııa basshysy Nurlan Saýranbaev málimdedi,
Onyń aıtýynsha, kompanııanyń bereshegin óteýdiń eki joly bar – tarıfti kóterý nemese kapıtaldandyrý esebinen.
«2,9 trln teńge – bul kompanııanyń qaryzy. Ony tek eki ádispen qaıtarýǵa bolady. Birinshisi – tarıfti kóterý. Sebebi bul aqsha jańa temirjol qurylysyna jumsalǵan, biraq onyń ınvestıııalyq bóligi tarıfke qosylǵan joq. Ekinshisi – kapıtaldandyrý esebinen qaıtarý. Eger memleket tómen tarıfti ustap turǵysy kelse, onda ol bizge muny sýbsıdııalaýy qajet nemese tarıfti kóterýge ruqsat berýi kerek, basqa jol joq», – dep túsindirdi Saýranbaev senat kýlýarynda.
Aıtýynsha, qazir QTJ muny tranzıtti ulǵaıtý esebinen ótep jatyr.
Saýranbaev QTJ tarıfteriniń 80 paıyzy ózindik qunynan tómen ekenin atap ótti.
«Biz kómirshilerdi de, metallýrgterdi de qarjylandyramyz. Biz barlyǵyn qarjylandyryp otyrmyz. Nege olaı bolýy kerek?», -deıdi QTJ basshysy.
