قازاقستان ۇزاق جىل سوتتاسقان ستاتيمەن كەلىسىمگە كەلدى

فوتو: newsmaker.md

قازاقستان ۇزاق جىلدار بويى سوتتاسقان مولدوۆالىق بيزنەسمەن اناتول جانە گابريەل ستاتيمەن بەيبىت كەلىسىمگە كەلدى, – دەپ حابارلايدى qandastar.kz

Atameken Business تەلەگرام ارناسى جازعانداي,   ۇكىمەت, ۇلتتىق بانكى جانە ستاتي تاراپتارى مۇناي مەن گازعا قاتىستى داۋدى شەشەتىن زاڭدىق كۇشى بار كەلىسىم جاساستى. سونىڭ نەگىزىندە بارلىق سوت پروتسەستەرى توقتايدى. كەلىسىم شارتتارى قۇپيا بولىپ قالادى. سونىمەن قاتار بۇعان قازاقستان بيۋدجەتىنەن قارجى جۇمسالمايدى دەدى ادىلەت مينيسترلىگى.

قازاقستان مولدوۆالىق كاسىپكەرمەن 13 جىل بويى سوتتاستى. سول ءۇشىن بيۋدجەتتەن قىرۋار قارجى ءبولىندى. بەيرەسمي مالىمەت بويىنشا, قازاقستان بيلىگى جىل سايىن شەتەلدىك ادۆوكاتتاردى جالداۋ ءۇشىن 60 ملن دوللار جۇمساپ وتىرعان.

ەسكە سالايىق مولدوۆالىق كاسىپكەر قازاقستان بيلىگىن وزدەرىنىڭ مەنشىگىنە رەيدەرلىك جاسادى دەپ ايىپتاپ, 2010 جىلى حالىقارالىق اربيتراجعا جۇگىنگەن ەدى. سونىڭ كەسىرىنەن ءبىر كەزدەرى ۇلتتىق قور بۇعاتتالىپ, سامۇرىق-قازىنا اكتيۆتەرىنە شەكتەۋ قويىلعان ەدى.