Qazaqstan uzaq jyl sottasqan Statımen kelisimge keldi

Foto: newsmaker.md

Qazaqstan uzaq jyldar boıy sottasqan moldovalyq bıznesmen Anatol jáne Gabrıel Statımen beıbit kelisimge keldi, – dep habarlaıdy qandastar.kz

Atameken Business telegram arnasy jazǵandaı,   Úkimet, Ulttyq Banki jáne Statı taraptary munaı men gazǵa qatysty daýdy sheshetin zańdyq kúshi bar kelisim jasasty. Sonyń negizinde barlyq sot proesteri toqtaıdy. Kelisim sharttary qupııa bolyp qalady. Sonymen qatar buǵan Qazaqstan bıýdjetinen qarjy jumsalmaıdy dedi Ádilet mınıstrligi.

Qazaqstan moldovalyq kásipkermen 13 jyl boıy sottasty. Sol úshin bıýdjetten qyrýar qarjy bólindi. Beıresmı málimet boıynsha, Qazaqstan bıligi jyl saıyn sheteldik advokattardy jaldaý úshin 60 mln dollar jumsap otyrǵan.

Eske salaıyq moldovalyq kásipker Qazaqstan bıligin ózderiniń menshigine reıderlik jasady dep aıyptap, 2010 jyly halyqaralyq arbıtrajǵa júgingen edi. Sonyń kesirinen bir kezderi Ulttyq qor buǵattalyp, Samuryq-Qazyna aktıvterine shekteý qoıylǵan edi.