Qazaqstanda 1 maýsymnan bastap júk kólikterdiń qozǵalysyna shekteý engiziledi

Jaz mezgilinde respýblıkalyq mańyzy bar avtojoldarda aýyr júk kólikteriniń qozǵalysyna ýaqytsha shekteýler engiziledi, dep habarlaıdy Qandastar.kz aqparattyq portaly «QazAvtoJol» ulttyq kompanııasyna silteme jasap.
Bul sharalar kúnniń ystyǵynda jol jamylǵysyn saqtaýǵa jáne qaýipsiz qozǵalysty qamtamasyz etýge baǵyttalǵan. Shekteý merzimi:

elimizdiń ońtústik jáne batys óńirlerinde 1 maýsymnan 31 tamyzǵa deıin;
soltústik jáne shyǵys óńirlerinde 1 maýsymnan 15 tamyzǵa deıin.

Shekteýler +25°C joǵary aýa temperatýrasy kezinde, kúndizgi ýaqytta engiziledi. 1 maýsymnan 31 tamyzǵa deıin saǵat 10:00–22:00 aralyǵynda kelesi aımaqtarda qozǵalysqa shekteý qoıylady:

Almaty oblysy;
Atyraý oblysy;
Jambyl oblysy;
Jetisý oblysy;
Ulytaý oblysy;
Qaraǵandy oblysy;
Qyzylorda oblysy;
Túrkistan oblysy;
Mańǵystaý oblysy.