قازاقستاندا 100-گە جۋىق مەكتەپ قاشىقتان وقۋعا كوشەدى

سۋ تاسقىنىنان زارداپ شەككەن ايماقتارداعى مەكتەپتەر ونلاين فورماتقا كوشەدى. بۇل جونىندە وقۋ-اعارتۋ مينيسترلىگىنىڭ ءباسپاسوز قىزمەتى مالىمدەدى.

قاشىقتىقتان وقىتۋ سۋ تاسقىنى قاۋپى ساقتالعان اۋماقتارداعى 56 مەكتەپتە, سونداي-اق ەۆاكۋاتسيالىق پۋنكتتەر رەتىندە ايقىندالعان 32 مەكتەپتە ۇيىمداستىرىلۋدا.

بالالار قاشىقتىقتان وقۋ ءۇشىن قاجەتتى وقۋ قۇرالدارىمەن, كيىم-كەشەكپەن جانە تەحنيكالىق قۇرالدارمەن قامتاماسىز ەتىلدى. ەۆاكۋاتسيالانعان 1-4 سىنىپ وقۋشىلارىن تاماقتانۋمەن قامتۋ ماسەلەسى بويىنشا جۇمىستار جۇرگىزىلۋدە”, — دەپ اتاپ ءوتتى ۆەدومستۆونىڭ رەسمي وكىلى – ءباسپاسوز حاتشىسى مەرەكە امانگەلدىقىزى.

سونداي-اق, تاۋەكەلدەردى ازايتۋ جانە توتەنشە جاعدايدا ءبىلىم بەرۋ پروتسەسىن جالعاستىرۋدى قامتاماسىز ەتۋ ءۇشىن اقتوبە وبلىسىنداعى كوللەدجدەر قاشىقتىقتان وقىتۋ فورماتىنا اۋىستىرىلدى.